Víðiholt 2, 4, 6, 8, 10 - Umsókn um byggingarleyfi

Bæjarráð samþykkir afgreiðslu byggingarfulltrúa að veita Lækjarkór ehf., kt. 690518-1470, leyfi til að byggja raðhús með fimm íbúðum á lóðinni við Víðiholti 2 - 10.

Lagðir fram aðaluppdrættir byggingarleyfisumsóknar.

Uppdrættir eru ekki í samræmi við deiliskipulag Víðiholts hvað eftirfarandi atriði varðar:

Breidd svala er 1,7 metrar en skal vera 2 metrar samkvæmt skipulagi.

Svalir eru ekki inndregnar.

Breidd svalarganga er breytileg en skal vera 2 metrar.

Öll ofangreind atriði varða grein 3.7.4 í greinargerð deiliskipulags Víðiholts. Deiliskipulagshöfundur hefur gert grein fyrir því að fyrir mistök þá voru ofangreind atriði í deiliskipulagsgreinargerð ekki löguð að forhönnun hússins eins og fyrirhugað var.

Skipulagsstjóri gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr.sömu greinar hvað ofangreind atriði varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.