Þórsgrund 2 - Umsókn um byggingarleyfi færanlegar kennslustofur

Bæjarráð samþykkir afgreiðslu byggingarfulltrúa að veita Alþjóðaskólanum fasteignafélagi ehf., kt. 440222-0990 leyfi fyrir staðsetningu á færanlegum kennslustofum á lóð Þórsmerkur.

Lögð fram umsókn um byggingarleyfi fyrir færanlegar kennslustofur á skólalóðinni Þórsgrund 2.

Skipulagsstjóri leggur fram tillögu að breytingu deiliskipulags Ása og Grunda sem nær til skólalóðarinnar Þórsgrund 2 (Alþjóðaskólinn), sem gerir ráð fyrir að eftirfarandi ákvæði bætist við greinargerð deiliskipulagsbreytingar sem samþykkt var í bæjarstjórn 20.febrúar 2020:
"Heimilt er að nýta skólalóðina innan byggingarreits sem stæði fyrir færanlegar kennslustofur til bráðabirgða enda uppfylli þær kröfur byggingarreglugerðar um brunavarnir.
Að öðru leyti gilda áður útgefnir skilmálar."

Skipulagsstjóri metur tillöguna sem óverulega breytingu deiliskipulags Ása og Grunda í samræmi við 2.mgr.43.greinar skipulagslaga nr.123/2010.
Í samræmi við 2.ml.3.mgr.44.greinar sömu laga er fallið frá grenndarkynningu.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.