Útboð - Vetrarþjónusta gatna í Garðabæ 2026-2029.

Lögð fram minnisblöð COWI vegna útboðs í vetrarþjónustu gatna í Garðabæ 2026-2029.

Bæjarráð vísar málinu til umhverfissviðs til skoðunar á grundvelli a. liðar 1.mgr. 39.gr. laga um opinber innkaup nr. 120/2016.

Eftirfarandi tilboð samkvæmt tilboðsskrá bárust í útboðsverkið: "Vetrarþjónusta gatna í Garðabæ 2026-2029":

1. Knudsen Verktakar ehf., kr. 249.150.000 (130,6%).

2. Dráttarbílar Vélaleiga ehf., kr. 137.799.000 (72,2%).

3. Bjartey ehf., kr. 250.740.000 (131,4%).

Kostnaðaráætlun verkkaupa er kr. 190.800.000. Bæjarráð samþykkir að taka tilboði lægstbjóðanda Dráttarbíla Vélaleigu ehf., að fjárhæð kr. 137.799.000, sem er 72,2% af kostnaðaráætlun.

Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Lögð fram verklýsing vegna vetrarþjónustu gatna í Garðabæ 2026-2029.

Bæjarráð samþykkir fyrirliggjandi útboðs- og verklýsingu og felur umhverfissviði framkvæmd útboðsins fyrir hönd Garðabæjar.