32. (2227). fundur

Kynning HLH ráðgjafar varðandi greiningu á rekstri og skipulagi þjónustu við fatlað fólk í Garðabæ. Ragnheiður Agnarsdóttir og Arnar Haraldsson kynntu niðurstöður greiningarinnar.

Bæjarráð vísar kynningunni til umfjöllunar í velferðarráði og samráðshóp um málefni fatlaðs fólks.

Pála Marie Einarsdóttir, deildarstjóri í málefnum fatlaðs fólks, sat fundinn undir þessum dagskrárlið.

Lúðvík Hjalti Jónsson, fjármálastjóri, gerði grein fyrir árshlutauppgjöri Garðabæjar fyrir tímabilið janúar - júní 2026.

Niðurstaða A og B hluta fyrir tímabilið er í þ.kr.: Rekstrartekjur 17.864.216. Rekstrargjöld 15.612.253. Rekstrarniðurstaða fyrir afskriftir 2.251.953.

Afskriftir (1.055.072). Rekstrarniðurstaða án fjármunatekna og gjalda 1.196.881. Fjármunatekjur og fjármagnsgjöld (1.474.054). Rekstrarniðurstaða er neikvæð 277.174.

Fylgiskjöl

• Árshlutauppgjör Garðabæjar 1.1.-30.6.2026 18092026 Loka.pdf

Bæjarráð samþykkir afgreiðslu byggingarfulltrúa að veita Byggingarfélagi Gylfa og Gunnars hf., kt. 681290-2309 leyfi fyrir byggingu 4. hæða fjölbýlishúss með 14 íbúðum og bílakjallara að Vorbraut 6.

Lögð fram kæra íbúa Breiðabólsstaða til Úrskurðarnefndar umhverfis- og auðlindamála vegna ákvörðunar bæjarstjórnar Garðabæjar um að vieta byggingarleyfi á grundvelli grenndarkynningar vegna Hlöðunnar á Spildu A úr landi Grundar við Breiðabólsstaðatjörn á Álftanesi.

Bæjarráð felur Juris lögmannsstofu að gæta hagsmuna bæjarins í málinu.

Eftirfarandi tilboð samkvæmt tilboðsskrá bárust í útboðsverkið: "Vetrarþjónusta gatna í Garðabæ 2026-2029":

1. Knudsen Verktakar ehf., kr. 249.150.000 (130,6%).

2. Dráttarbílar Vélaleiga ehf., kr. 137.799.000 (72,2%).

3. Bjartey ehf., kr. 250.740.000 (131,4%).

Kostnaðaráætlun verkkaupa er kr. 190.800.000. Bæjarráð samþykkir að taka tilboði lægstbjóðanda Dráttarbíla Vélaleigu ehf., að fjárhæð kr. 147.799.000, sem er 72,2% af kostnaðaráætlun.

Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Lögð fram verklýsing vegna Álftaness, miðsvæði. Svæði 1 - Breiðamýri. Stígar - yfirborðsfrágangur.

Bæjarráð samþykkir fyrirliggjandi útboðs- og verklýsingu og felur umhverfissviði framkvæmd útboðsins fyrir hönd Garðabæjar.

Eftirfarandi tilboð samkvæmt tilboðsskrá bárust í útboðsverkið: "Hreinsun gatna í Garðabæ 2027-2029":

1. Garðlist ehf., kr. 59.180.350 (101,9%).

2. Hreinsitækni ehf., kr. 55.263.204 (95,1%),

3. Jarðgrip ehf., kr. 60.365.000 (103,9%).

Kostnaðaráætlun verkkaupa er kr. 58.100.000. Bæjarráð samþykkir að taka tilboði lægstbjóðanda Hreinsitækni ehf., að fjárhæð kr. 55.263.204, sem er 95,1% af kostnaðaráætlun.

Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Eftirfarandi tilboð bárust í útboðsverkið: "Vetrarþjónusta stofnanalóða og húsagatna í Garðabæ 2026-2029":

1. Dráttarbílar Vélaleiga ehf., kr. 61.174.585 (76,1%).

2. Knudsen Verktakar ehf., kr. 309.420.000 (384,9%).

3. Jarðgrip ehf., kr. 219.000.000 (272,4%).

4. Garðaþjónusta Reykjavíkur ehf., kr. 92.700.000 (115,3%).

Kostnaðaráætlun verkkaupa er kr. 80.400.000. Bæjarráð samþykkir að taka tilboði lægstbjóðanda Dráttarbíla Vélaleigu ehf., að fjárhæð kr. 61.174.585, sem er 76,1% af kostnaðaráætlun.

Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Erindi VR, Landsambands íslenzkra verzlunarmanna og Rafiðnaðarsambandsins f.h. Fagfélaganna vegna aðgerða sveitarfélaga til að sporna við háum vöxtum og verðbólgu.

Bæjarráð vísar erindinu til gerðar fjárhagsáætlunar.

Erindi innviðaráðuneytisins vegna framlaga til Betri samgangna ohf. lagt fram. Í erindinu kemur fram að framlög ríkisins til Betri samgangna ohf., vegna framkvæmda skv. samgöngusáttmálanum verði tímabundið lækkuð um 2 milljarða króna.

Bæjarstjóra falið að fylgja málinu eftir á vettvangi SSH þar sem m.a. verði tekið til skoðunar hvort þessi ráðstöfun sé í samræmi við Samgöngusáttmála og viðbrögð sveitarfélaganna metin

Erindi Starfsgreinasambands Íslands um þjóðarsátt um verðstöðugleika lagt fram.

Bæjarráð vísar erindinu til gerðar fjárhagsáætlunar.

Lögð fram umsókn Garðabæjar um Veitingaleyfi í Flokki II - G Samkomusalir í fl. I að Lambamýri 1.

Bæjarráð gerir ekki athugasemdir við að umbeðið leyfi verði veitt.