34. (2229). fundur

Bæjarstjóri kynnti úthlutunarreglur og úthlutunarskilmála varðandi úthlutun og sölu byggingarréttar lóða á Hnoðraholti suður - háholti.

Bæjarráð samþykkir úthlutunarreglur og úthlutunarskilmála varðandi úthlutun og sölu byggingarréttar lóða á Hnoðraholti suður - háholti og felur bæjarstjóra að auglýsa lóðirnar.

Sviðsstjóri fræðslu- og frístundasvið kynnti minnisblað um sumaraukaopnun sundlauga sumarið 2026.

Bæjarráð samþykkir að framlengja opnunartíma sundlauga til kl. 22:00 á sunnudagskvöldum í Ásgarðslaug og Álftaneslaug út október 2026. Bæjarráð vísar til fræðslu- og frísundasviðs að útfæra tillögur að sumaropnun sundlauga við gerð fjárhagsáætlunar 2027.

Lögð fram minnisblöð COWI vegna útboðs í vetrarþjónustu stofnanalóða og húsagatna í Garðabæ 2026-2029.

Bæjarráð vísar málinu til umhverfissviðs til skoðunar á grundvelli a. liðar 1.mgr. 39.gr. laga um opinber innkaup nr. 120/2016.

Lögð fram minnisblöð COWI vegna útboðs í vetrarþjónustu gatna í Garðabæ 2026-2029.

Bæjarráð vísar málinu til umhverfissviðs til skoðunar á grundvelli a. liðar 1.mgr. 39.gr. laga um opinber innkaup nr. 120/2016.

Bæjarráð felur bæjarstjóra að koma á framfæri athugasemdum við frumvarpið, þar sem Garðabær geri athugasemdir við að fjárframlög ríkisins til sveitarfélaga vegna innleiðingar farsældar verði felld niður að fullu, eins og ráð er fyrir gert í frumvarpinu. Fyrir liggur að stjórnvöldum ber samkvæmt lögum að tryggja sveitarfélögum fjármagn á innleiðingartímabili farsældarlaganna og að því tímabili loknu skulu fara fram endurmat á fjárþörf sveitarfélaganna vegna lögbundinnar þjónustu.

Bæjarráð vísar erindinu til úthlutunar styrkja samkvæmt fjárhagsáætlun 2026.

Bæjarráð vísar erindinu til úthlutunar styrkja samkvæmt fjárhagsáætlun 2027.

Lagt fram bréf Samtaka sveitarfélaga á höfuðborgarsvæðinu varðandi starfs- og fjárhagsáætlun svæðisskipulagsnefndar ásamt fylgigögnum þar sem fram kemur að hlutdeild Garðabæjar árið 2027 er áætluð kr. 3.423.373.

Bæjarráð vísar bréfinu til afgreiðslu fjárhagsáætlunar fyrir árið 2027.

Bæjarráð gerir ekki athugasemdir við að Miklatorgi ehf., kt. 541293-2809, Kauptúni 4, Garðabæ, verði veitt starfsleyfi til að starfrækja ökutækjaleigu að Kauptúni 4, en um er að ræða starfsemi á vegum Miklatorgs hf./IKEA.

Lögð fram umsókn UMF Stjörnunnar um tímabundið áfengisleyfi í Miðgarði á villibráðakvöldi sem halda á 6. nóvember 2026. Bæjarráð gerir ekki fyrir sitt leyti athugasemdir við að umbeðið leyfi verði veitt.

Í umsókninni er farið fram á tímabundið áfengisleyfi fyrir Hlöðuna á Álftanesi vegna brúðkaups 10. október 2026.

Bæjarráð samþykkir með fjórum atkvæðum (MB, HBE, SS, BK) gegn einu (ÞÞ) að gera ekki athugasemdir við að umbeðið leyfi hafi verið veitt, með fyrirvara um samþykki annarra umsagnaraðila.

Lögð fram umsókn UMF Stjörnunnar um tímabundið áfengisleyfi í Miðgarði á herrakvöldi Stjörnunnar 9. október 2026. Bæjarráð gerir ekki fyrir sitt leyti athugasemdir við að umbeðið leyfi verði veitt.