15. fundur

Listadagar barna og ungmenna hefjast í næstu viku og standa frá 21. apríl til 1. maí nk. Bæklingur með dagskrá listadaganna verður dreift í hús í upphafi listadaganna og einnig verður öll dagskrá kynnt á vef Garðabæjar. Fjölbreytt dagskrá verður í boði í skólum bæjarins, söfnum og fleiri stöðum. Landsmót Samtaka íslenskra skólalúðrasveita verður haldið í Garðabæ dagana 29. apríl til 1. maí og landsmótinu lýkur með stórtónleikum í íþróttamiðstöðinni Ásgarði.

Jazzhátíð Garðabæjar er nú haldin í ellefta sinn og að þessu sinni með upphaf að kvöldi til miðvikudaginn 20. apríl með tónleikum fimm ungra hljómsveita úr Tónlistarskóla Garðabæjar. Undirþema jazzhátíðarinnar í ár er tengsl jazz við heimstónlist. Allir kvöldtónleikar fara fram í safnaðarheimili Vídalínskirkju en auk þess verða tónleikar að degi til á laugardegi í félagsmiðstöðinni Jónshúsi og Haukshúsi á Álftanesi.

Dagskránni verður dreift með dreifibréfi í hús um helgina og einnig kynnt á vef Garðabæjar.

Fylgiskjöl

• GAR_070414_jazzdreifibref_2.pdf

Í ár verða haldnir tvennir tónleikar á vorönn dagana 26. apríl og 31. maí en einnig er stefnt að tónleikum í september í tengslum við afmælisár Garðabæjar. Kynntir voru fyrirhugaðir tónleikar á vorönn.

Fylgiskjöl

• tridjudagsklassik2016 (002).pdf

Auglýst var eftir umsóknum um styrki úr Hvatningarsjóði fyrir unga listamenn í mars sl. og var umsóknarfrestur til 12. apríl 2016. Fyrirliggjandi umsóknir voru lagðar fram og ræddar. Umræðu verður haldið áfram á næsta fundi menningar- og safnanefndar 13. maí nk.

Auglýst var eftir ábendingum um tilnefningu til bæjarlistamanns Garðabæjar 2016 í mars og var frestur auglýstur til 12. apríl 2016. Listi með framkomnum ábendingum var lagður fram og ræddur.

Umræður voru um tilnefningar til bæjarlistamanns Garðabæjar. Málið verður aftur á dagskrá næsta fundar menningar- og safnanefndar 13. maí nk.

Erindi frá Rúnu K. Tetschner, dags. 12. apríl 2016, um möguleika til að efla starfsemina í Króki lagt fram. Umræður voru um málið og upplýsinga- og menningarfulltrúa falið að ræða við bréfritara um hugmyndir er fram koma í bréfinu og mögulegar útfærslur á hluta þeirra í sumar. Umræðu verður haldið áfram á næsta fundi nefndarinnar í maí.

Fylgiskjöl

• Styrkumsókn-rúna-krókur.pdf

Margrét Sigurgeirsdóttir forstöðumaður Bókasafns Garðabæjar mætir á fundinn.

Margrét Sigurgeirsdóttir, forstöðumaður Bókasafns Garðabæjar, var gestur fundarins undir þessum lið. Margrét tók við starfi forstöðumanns safnsins sl. haust og kynnti starfsemi safnsins í vetur og hugmyndir um framtíðarstarf og hlutverk safnsins.

Umræður voru um starfsemi bókasafnsins. Margréti var þökkuð greinargóð kynning á safninu.