32. fundur

Rætt um gjaldtöku vegna sumarnámskeiða.

Rætt um gjaldtöku fyrir vikunámskeið á Bókasafni Garðabæjar líkt og tíðkast til dæmis á Bókasafni Kópavogs. Samþykkt að lágmarksgjald verði greitt fyrir námskeið á Bókasafni sem og öðrum menningarstofnunum bæjarins.

Fylgiskjöl

• Gjaldtaka á sumarnámskeiðum

Menningarfulltrúi kynnti tillögu að breyttum opnunartímum Álftanessafns. Menningar- og safnanefnd gerir ekki athugasemdir við breyttan opnunartíma. Eftir breytingu verður safnið opið mánudaga-fimmtudaga kl. 14-18, föstudaga kl. 14-17 og einn laugardag í mánuði kl. 11-14. Breytingin felur í sér samfelldan opnunartíma á virkum dögum frá því skóla lýkur klukkan 14.

Sumaropnun verður mánudaga-fimmtudaga frá 14-18.

Fylgiskjöl

• Tillaga að samfelldum opnunartíma Álftanessafns

Tillaga að úthlutun

Tillaga menningarfulltrúa vegna úthlutunar úr Hvatningarsjóði ungra listamanna samþykkt. Formleg úthlutun úr sjóðnum verður á menningaruppskeruhátíðinni þann 2. júní nk. Menningarfulltrúa falið að tilkynna umsækjendum niðurstöðu nefndarinnar í ár.

Fylgiskjöl

• Tillaga menningarfulltrúa að úthlutunum úr Hvatningarsjóði ungmenna 2021.docx

Menningarfulltrúi kynnti tillögu að heiðursviðurkenningarhafa 2021. Samþykkt einróma. Heiðursviðurkenning verður veitt á menningaruppskeruhátíðinni þann 2. júní nk.

Menningarfulltrúi greindi frá niðurstöðu umsóknar um styrk úr Barnamenningarsjóði en verkefnið Við langeldinn / Við eldhúsborðið var styrkt um 4 milljónir króna.

Fylgiskjöl

• Rannís umsóknakerfi - Ný umsókn fyrir Barnamenningarsjóð 210626-1001
• 210626-1001 - Tilkynning vegna umsóknar í Barnamenningarsjóð 2021

Menningarfulltrúi kynnti tillögu að dagskrá sem tekur mið af núgildandi sóttvarnarreglum. Menningar- og safnanefnd samþykkir tillögu menningarfulltrúa.

Fylgiskjöl

• 17. júní 21.docx

Tillaga um eitt "aðgangskort" í allar sundlaugar og söfn á höfuðborgarsvæðinu.

Tillaga um eitt "aðgangskort" í allar sundlaugar og söfn á höfuðborgarsvæðinu var rædd. Menningarfulltrúa falið að kanna hvaða útfærslur eru í boði og ræða málið við aðra rekstraraðila safna á höfuðborgarsvæðinu.

Fylgiskjöl

• Höfuðborgarkort - tillaga frá aðalfundi SSH 2020
• Bréf til sveitarfélaga höfuðborgarkort GBR.pdf
• SSH Tillaga um höfuðborgarkort - lögð fram á aðalfundi SSH 2020.pdf

Ósk eftir samtali við Garðabæ um að kanna möguleikann á því að hátíðin Secret Solstice eignist nýtt heimili á Vífilsstaðartúni og nærumhverfi frá árinu 2022.

Óskað hefur verið eftir samtali við Garðabæ um að kanna möguleikann á því að hátíðin Secret Solstice eignist nýtt heimili á Vífilsstaðatúni og nærumhverfi frá árinu 2022.

Málið rætt og vísað til skoðunar menningarfulltrúa með íþrótta-, tómstunda og forvarnafulltrúa.

Fylgiskjöl

• Garðabær Solstice.docx

Samþykkt að menningaruppskeruhátíð fari fram þann 2. júní nk. kl. 17:30. Útnefning bæjarlistamanns 2021, heiðursviðurkenning veitt og styrkir úr Hvatningarsjóði ungra listamanna verða afhentir. Athöfnin fer fram í Sveinatungu.

a) Á næsta fundi menningar- og safnanefndar mun menningarfulltrúi gera grein fyrir stöðu mála varðandi stórtónleika í fjölnota íþróttahúsi í Vetrarmýri vorið 2022.