3. fundur

Þjónusta við fólk sem bíður eftir hjúkrunarrými.

Fyrirhugað samstarfsverkefni Heilbrigðisráðuneytis, heilsugæslu höfuðborgarsvæðisins, heimahjúkrunar og félagsþjónustu sveitarfélaga á höfuðborgarsvæðinu kynnt fyrir nefndarmönnum. Öldungaráð leggur mikla áherslu á að samtali við heilbrigðisráðuneytið um uppbyggingu hjúkrunarheimilis verði hraðað eins og kostur er.

Erindi frá Oddfellow stúkunni Snorra Goða þar sem óskað er eftir samstarfi við Garðabæ í að endurvekja Heldri borgara kvöld Snorra Goða.

Öldungaráði líst vel á hugmyndina en telur æskilegt að eiga samstarf við ungmennaráð um framkvæmd og skipulag verkefnis.

Undirbúningur íbúaþings eldra fólks 2025

Öldungaráð leggur til að íbúaþing verði haldið fimmtudaginn 5.febrúar 2026 á milli kl 13-16.

Staða verkefnis.

Harpa Rós Gísladóttir, formaður öldungaráðs og Þóra Gunnarsdóttir, forstöðumaður stuðnings- og öldrunarþjónustu fóru yfir stöðu verkefnis tengt fjölnota aðstöðu fyrir eldri borgara í Lambamýri og svöruðu fyrirspurnum nefndarmanna.

Farið yfir verkefni aðgerðaráætlunar haust 2025.

Farið yfir þau verkefni sem eru framundan og lagt er upp með í aðgerðaráætlun eldra fólks haust 2025.

Haustdagskrá félagstarf eldra fólks lögð fram til kynningar.

Öldungaráð fór yfir fjölbreytta dagskrá félagsstarfs sem eldra fólki í Garðabæ stendur til boða á næsta misseri.