2. fundur

Lagt er fyrir mál nr. 1904077, áskorun til sveitarfélaga um að fara eftir ákvæðum reglugerðar um framkvæmd notendastýrðar persónulegrar aðstoðar. Farið yfir þau atriði sem gerðar voru athugasemdir við í erindi NPA miðstöðvarinnar og viðbrögð Sambands íslenskra sveitarfélaga við erindinu. Upplýst var um yfirstandandi vinnu á fjölskyldusviði Garðabæjar vegna gerð nýrra reglna um NPA á grundvelli laga nr. 38/2018 um þjónustu við fólk með langvarandi stuðningsþarfir og reglugerðar nr. 1250/2018 um notendastýrða persónulega aðstoð.

Mál lagt fram nr. 1905119, skýrsla sérfræðihóps um málefni fatlaðra barna. Farið yfir efni skýrslunnar og þær fjölmörgu ábendingar sem koma frá börnum og byggja á þeirra reynslu m.a. mikilvægi þess að leitað sé eftir sjónarmiðum þeirra og reynslu í tengslum við ákvarðanir sem þau varða, aðgengi, ferðaþjónustu, upplýsingagjöf, tómstundastarf, fordóma og virðingu í samskiptum svo fátt eitt sé nefnt. Rætt var um stuðning við fötluð börn á sumarnámskeið í Garðabæ, rætt um mikilvægi þess að fötluð börn hafi tryggt aðgengi að aðila innan skóla sem gæti hagsmuna þeirra, rætt um mikilvægi þess að íþrótta- og tómstundafélögin mæti þröfum barna til íþróttaiðkunar og virkni. Fjölskyldusvið Garðabæjar mun kynna ábendingarnar fyrir starfsmönnum og fylgja því eftir að tekið verði tillit til þeirra í öllu er varðar málefni fatlaðra barna.

Minnisblað um ferðaþjónustu fatlaðra lagt fram til umræðu.

Mál lagt fram nr. 1812089, minnisblað um ferðaþjónustu fatlaðra. Farið yfir minnisblaðið og þau áhersluatriði sem þar komu fram. Greint er frá því að margt hafi breyst til hins betra en ennþá mikilvæg atriði sem ekki hafa verið lagfærð þrátt fyrir ábendingar. M.a. er mikilvægt að huga sérstaklega að öryggi viðkvæmra hópa sem eru að nýta þjónustuna, að í einhverjum tilfellum sé tryggt að sömu bílstjórarnir sinni ákveðnum ferðum, tryggja að forsjáraðilar geti haft beint samband við bílstjóra ef eitthvað kemur upp á og eins að bílstjóri geti haft samband við forsjáraðila. Mjög mikilvægt að tryggja að gengið verði frá samningum sem fyrst.