1. fundur

Tekið er fyrir mál nr. 1805129 áframhaldandi samstarf um ferðaþjónustu fyrir fatlað fólk.

Frá´árinu 2014 hafa fimm sveitarfélög á höfuðborgarsvæðinu staðið sameiginlega að akstursþjónustu fatlaðs fólks en Strætó bs hefur annast rekstur akstursins m.a. þjónustuver og skipulag þjónustunnar. Samningur um akstursþjónustuna við verktakana rann út 31. desember 2019 en hefur verið framlengdur til 1. júlí 2020. Áfundi stjórnar SSH 7. okt. sl. var samþykkt að Reykjavík, Garðabær, Mosfellsbær og Seltjarnarnes myndu vinna áfram að því að bjóða sameiginlega út akstursþjónustu fyrir fatlað fólk.

Lögð eru fram drög þessara sveitarfélaga að sameiginlegri þjónustulýsingu, sameiginlegum reglum um akstursþjónustu fatlaðs fólks og sameiginlegum reglum um skólaakstur fatlaðra grunnskólabarna.

Samráðshópurinn fjallar um fyrirliggjandi drög.

Tekið er fyrir mál nr. 1911304 bréf um skipan starfshóps um stafræna framþróun þjónustu hjá Garðabæ. Í bréfinu er kallað eftir hugmyndum, ábendingum, sjónarmiðum og þörfum ólíkra sviða. Samráðshópur um málefni fatlaðs fólks fagnar skipun starfshóps um stafræna þróun innan Garðabæjar.

Tekið er fyrir mál nr. 1910435 beiðni um umsögn vegna umsóknar um starfsleyfi. Pála Einarsdóttir, þroskaþjálfi, situr fundinn undir þessum lið.

Gæða- og eftirlitsstofnun (GEF) hefur óskað eftir umsögn Samráðshóps um málefni fatlaðs fólks vegna umsóknar félagasamtakanna Heilabrots endurhæfingarseturs um starfsleyfi til reksturs þjónustu við fatlað fólk með langvarandi stuðningsþarfir.

Um er að ræða atferlismótandi endurhæfingu fyrir fók má ákominn heilaskaða.

Samráðshópurinn fjallar um málið og gerir ekki athugasaemd við að viðkomandi starfsleyfi verði veitt.