3. fundur

Búsetukjarni Brekkuás 2, breyting á deiliskipulagi Hraunsholts

Tekið er fyrir mál nr.2005435 - búsetukjarni að Brekkuási 2. Arinbjörn Vilhjálmsson, skipulagsstjóri situr fundinn undir þessum lið.

Arinbjörn Vilhjálmsson, skipulagsstjóri kynnir tillögu að breytingu á deiliskipulagi Ásahverfis (Hraunsholt vestra) vegna fyrirhugaðs búsetukjarna í Brekkuási 2. Búsetukjarninn gerir ráð fyrir 6 íbúðum ásamt aðstöðu fyrir starfsfólk.

Skipulagsstjóri gerir grein fyrir málinu og mögulegum staðsetningum fyrir fleiri búsetukjarna. Fram kom athugasemd varðandi staðsetningar og hvort ekki komi til álita að kaupa einstaklingsíbúðir í stað áherslna á kjarna. Því var einnig velt upp hver raunveruleg nýting væri á sameiginlegu rými í kjarnanum á Unnargrund og hvort ekki væri tilefni til að tengja það rými, starfsmannarýminu. Bent var á hvort ekki væri unnt að úthluta í íbúðirnar fyrr og tryggja þannig þátttöku væntanlegra íbúa hönnunarferlinu. Samráðshópurinn leggur áherslu á að unnið verði markvisst að undirbúningi fleiri fjölbreyttra búsetuúrræða fyrir fatlað fólk Garðabæ.

Tekið fyrir mál nr. 1909412 reglur um skammtímadvöl. Lagt fram til kynningar og rætt.

Tekið fyrir mál nr. 1911375 stefna Gæða- og eftirlitsstofnunar félagsþjónustu og barnaverndar. Stofnunin tók til starfa í maí 2018 og hefur stefnan verið í mótun frá hausti 2018. Samráðshópurinn leggur áherslu á mikilvægi þess að stöðlum sem þessum verði fylgt eftir og komist til raunverulegra framkvæmda. Í stefnunni koma fram gildi stofnunarinnar, hlutverk, sýn og verkefni. Lagt fram og rætt.