2. fundur

Jóhanna Helgadóttir arktekt og MSc í Skipulagsfræði og samgöngum kynnti niðurstöður úr lokaritgerð sinni við tækni-og verkfræðideild Háskólans í Reykjavík. Jóhanna fór í stuttu máli yfir hugmyndafræði samgöngumiðaðs skipulags, hvort það sé raunhæfur valkostur fyrir sveitarfélögin á höfuðborgarsvæðinu og greindi frá tillögum um samgöngumiðuð þróunarsvæði í Kópavogi, Garðabæ og Hafnarfirði sem eru vel tengd almenningssamgönguás um Hafnarfjarðarveg.

Lagðar fram ábendingar og umsagnir sem borist hafa vegna lýsingar aðalskipualgsverkefnisins. Ábendingum vísað til úrvinnslu skipulagsráðgjafa. Ábendingum er ekki svarað formlega á þessu stigi aðalskipulagsferlis.

Lagt fram erindi frá Jóni Viðari Matthíassyni slökkviliðsstjóra Slökkviliðs Höfuðborgarsvæðisins dags 27.janúar 2015. Í erindingu lýsir hann áhyggjum sínum af þrengingum gatna sem geta haft áhrif á viðbragðsflýti slökkviliðsins. Vísað til aðalskipulagsgerðar.

Einar Ingimarsson arkitekt gerði grein fyrir tillögu að breytingu deiliskipulags Ása og Grunda sem nær til lóðarinnar Unnargrund 2-10. Gert er ráð fyrir fjölgun íbúða til að laga skipulagið að áformum um að byggja sérhannaðar íbúðir fyrir hreyfihamlaða á lóðinni.$line$Vísað til skoðunar hjá tækni-og umhverfissviði.

Einar Ingimarsson arkitekt gerði grein fyrir tillögu að breytingu deiliskipulags Ása og Grunda sem nær lóðanna Ránargrund 2 og 4 þar sem gert er ráð fyrir veitingastað og aðstöðu fyrir siglingaklúbb. Tillagan gerir ráð fyrir stækkun lóðar og byggingarreits fyrir veitingastað og aðkomu að honum frá hringtorgi á mótum Vífilsstaðavegar og Unnargrundar. Vísað til skoðunar hjá tækni-og umhverfissviði.

Einar Ingimarsson arkitekt gerði grein fyrir tillögu að breytingu deiliskipulags Ása og Grunda sem nær til lóðar Sjálandsskóla. Gert er ráð fyrir snúningshaus framan við inngang við Löngulínu og að lóðin Ránagrund 3 sameinist skólalóð Sjálandsskóla. Vísað til skoðunar hjá tækni-og umhverfissviði.

Lögð fram tillaga landeiganda að íbúðarhúsabyggð í landi Kirkjubrúar eitt sunnan við Tjarnarbrekku. Aðalskipulag gerir ráð fyrir íbúðarhúsabyggð á svæðinu.$line$Eigandi lands austan og vestan við svæðið hefur ekki fallist á að ráðstafa landi sínu til íbúðarhúsabyggðar að svo stöddu.$line$Í forkynningu hefur komið í ljós andstaða íbúa við Tjarnarbrekku og Kirkjubrekku við byggð á svæðinu og hafa þeir lýst áhyggjum sínum af aukinni umferð um sameiginlegan aðkomuveg frá Suðurnesvegi. Allir íbúar hafa nú lagt fram ósk um að svæðið verði skilgreint sem opið óbyggt svæði í endurskoðuðu aðalskipulagi sem nú er í vinnslu.$line$Kynntir möguleikar á því að gera sérstakan aðkomuveg austan við byggðina frá Suðurnesvegi. $line$Skipulagsnefnd leggur áherslu á að útfærsla tillögunnar verði með þeim hætt að auðvelt verði að tengja hina nýju byggð til austurs þegar miðbæjarsvæðið verður byggt upp.$line$Skipulagsnefnd vísar tillögunni til auglýsingar í samræmi við 1.mgr. 41.greinar Skipulagslaga. Badlur Ó Svavarsson sat hjá við afgreiðslu tillögunnar.

Skipulagsnefnd samþykkir að falla frá grenndarkynningu í samræmi við 3. mgr 44.gr.skipulagslaga þar sem að framkvæmdin varðar ekki hagsmuni annarra en sveitarfélagsins og umsækjanda.

Skipulagsnefnd heimilar að byggingarfulltrúi samþykki tillöguna sem frávik frá deiliskipulagi í samræmi við 3.mgr. 43.gr. Skipulagslaga nr.123/2010.

Lagt fram.