8. fundur

Skipulagsstjóri og ráðgjafar frá Landmótun og Eflu kynntu drög að lýsingu aðalskipulagsgerðar. Vísað til frekari úrvinnslu hjá aðalskipulagsráðgjöfum og tækni-og umhverfissviði.

Lögð fram tillaga að breytingu á deiliskipulagi Silfurtúns sem gerir ráð fyrir því að skipulagssvæðið stækki til norðurs að Hafnarfjarðarvegi. Gert verður ráð fyrir hljóðmönum meðfram Hafnarfjarðarvegi. Bæjarverkfræðingur gerði grein fyrir samráði við Vegagerð um útfærslu hljóðmananna sem kynna skal sem skýringar á deilsskipualgsbreytingu.$line$Skipulagsnefnd vísar breytingartillögunni til kynningar í samræmi við 1.mgr.43.gr. Skipulagslaga nr. 123/2010. Bæjarverkfræðingi falið að ganga frá tillögu útfærslu hljóðmana í samræmi við áherslur skipulagsnefndar og í samráði við Vegagerðina.$line$Baldur Ó Svavarsson vék af fundi undir þessum lið.

Lögð fram tillaga að byggingarleyfisumsókn viðbyggingar við leikskólann Lundaból. $line$$line$Gert er ráð fyrir því að leikskóladeildum verði fjölgað úr 3 í 6, að heildarstærð fari úr 490 m2 í 1,143 m2 og að bílastæðum fjölgi úr 22 í 58.$line$$line$Byggingin verður öll á einni hæð og viðbygging verði til norðurs frá núverandi byggingu.$line$$line$$line$$line$Skipulagsnefnd vísar tillögunni til grenndarkynningar í samræmi við 1.mgr.44.gr. Skipualgslaga nr. 123/2010$line$$line$$line$$line$Grenndarkynna skal eigendum húsa í Lundum ofan Karlabrautar og Holtsbúð nr. 79,77, 75, 73, 71, 69,67,65,63 og 61.

Guðmundur Gunnarsson óskaði að eftirfarandi yrðir fært til bókar:$line$Þessi fundur er minn síðasti í skipulagsnefnd, en upphaf starfs míns fyrir sveitarstjórn var í júní 1986, varamaður í hreppsnefnd og í byggingar- og skipulagsnefnd Bessastaðahrepps. Það er metnaðarfullt og verðugt verkefni að sameina tvö aðalskipulög í eitt heildrænt skipulag. Vel heppnuð sameining og góð fjárhagsstaða gefur góð fyrirheit fyrir Garðbæinga. Ég óska skipulagsnefnd velfarnaðar.$line$Skipulagsnefnd þakkar Guðmundi Gunnarssyni fyrir ánægjulegt samstarf.