10. fundur

Lagðir fram aðaluppdrættir sem fylgja umsókn um byggingarheimild fyrir breytingar á íbúðarhúsinu að Borgarási 10 sem gerir ráð fyrir útitröppum við norðvesturgafl hússins.

Skipulagsnefnd metur umsóknina sem óverulega breyting deiliskipulags Hraunsholts vestra (Ásar) sem gerir ráð fyrir stækkuðum byggingarreit sem nemur flatarmáli útitröppu. Þar sem að deiliskipulagsuppdráttur Hraunsholts vestra sýnir útlínur húsa að Borgarási 10 og 12 lýtur nefndin svo á að um ígildi byggingarreits sé að ræða. Útbúa skal breytingaruppdrátt deiliskipulags sem sýnir stækkaðan byggingarreit sem nemur útlínum hússins til norðvestur auk útitröppu eins og umsóknaruppdrættir sýna.

Skipulagsnefnd vísar umsókninni til grenndarkynningar sem óverulegri deiliskipulagsbreytingu í samræmi við 2.mgr, 43.gr.skipulagslaga nr.123/2010 og vísar henni til grenndarkynningar í samræmi við 44.gr.sömu laga. Grenndarkynna skal eigendum og íbúum að Borgarási 4,6,8 og 12 og Melási 7,9 og 11.

Lögð fram tillaga að óverulegri breytingu deiliskipulags Arnarness að lokinni grenndarkynningu. 4 erindi með athugasemdum hafa borist. Tillögu og athugasemdum vísað til úrvinnslu hjá umhverfissviði. Skipulagsnefnd óskar eftir því að ítarlegri gögn verði send þeim sem grenndarkynning nær til þannig að viðkomandi aðilar geti betur áttað sig á umfangi tillögunnar. Veita skal 4 vikna frest til athugasemda frá því að gögn berast.

Lagðir fram aðaluppdrættir sem fylgja umsókn um byggingarleyfi sem gerir ráð fyrir breytingum á byggingum og starfsemi í útihúsum á Spildu A í landi Grundar við austanverða Breiðabólsstaðatjörn að lokinni grenndarkynningu.

5 erindi með athugasemdum hafa borist og þau lögð fram.

Uppdráttum og athugasemdum vísað til umhverfissviðs til úrvinnslu.

Hrafnhildur Brynjólfsdóttir skipulagsfræðingur M.Sc. hjá Eflu kynnti nefndarmönnum samantekt um viðfangsefni skipulagsnefnda sem samanstanda m.a. af mótun skipulagstillagna, skipulagsferli, umhverfismati áætlana og öðrum áskorunum.