3. fundur

Hrafnkell Á Proppé verkefnastjóri Borgarlínu og gerði grein fyrir frumdragaskýrslu sem komin er út og fjallar um 1. lotu verkefnisins - forsendur og frumdrög.

Bjarki Valberg umhverfisfulltrúi og Auður D.Kristinsdóttir skipulagsfulltrúi hjá Skipulagsdeild Kópavogs gerðu grein fyrir tillögum að breyttu aðalskipulagi og deiliskipulagi Miðbæjar Kópavogs, Hamraborgar.

Skipulagsnefnd Garðabæjar leggur áherslu á að tillögurnar taki tillit til þess með hvaða hætti leiðir Borgarlínunnar til austurs og vesturs og norðurs og suðurs tengist saman á skilvirkan og skynsamlegan hátt og þá í sömu hæðarlegu. Einnig leggur nefndin áherslu á að vel unnar umferðarspár- og greiningar verði lagðar til grundvallar með það að markmiði að ekki verði dregið úr afkastagetu Hafnarfjarðarvegar með fyrirhugaðir uppbyggingu í Miðbæ Kópavogs.

Jón Kjartan Ágústsson svæðisskipulagsstjóri kynnti Þróunaráætlun höfuðborgarsvæðisins 2020-2024 sem unnin hefur verið af VSÓ og niðurstöður hennar.

Skipulagsnefnd telur að hér sé um vel unna, yfirgripsmikla og mikilvæga áætlun að ræða sem mun nýtast sem stjórnborð og leiðsögn um uppbyggingu næstu ára. Skipulagsnefnd tekur undir bókun svæðisskipulagsnefndar frá 15.janúar sl.

Skipulagsstjóri kynnti frumathugun verkfræðistofunnar Verkís á breikkun Reykjanesbrautar frá Breiðholtsbraut að Kaplakrika sem unnin hefur verið að beiðni Vegagerðarinnar. Þar kemur í ljós að unnt verður að breikka brautina um 2 akreinar í hvora átt sem er mikilvægt innlegg í allar áætlanir um uppbyggingu í austurhluta Garðabæjar.

Í skýrslunni er einnig lagðar til útfærslur á mislægum gatnamótum Reykjanesbrautar annarsvegar við Vífilsstaðaveg og hinsvegar við Álftanesveg/Ofanbyggðarveg.

Skipulagsnefnd leggur áherslu á að hugað verði að undirbúningi gerðar deiliskipulags fyrir Reykjanesbraut í Garðabæ. Þá þarf m.a. að huga að göngu- og hjólatengingu frá Urriðaholti yfir og/eða undir Reykjanesbraut.