1. fundur

Ný skólanefnd boðin velkomin á fyrsta fund nýs kjörtímabils. Samþykkt að Jóhann Steinar Ingimundarson verði varaformaður nefndarinnar.

Skólanefnd kynntar reglur Garðabæjar um starfsemi og starfshætti nefnda.

Samantekt Sambands íslenskra sveitarfélaga, "Yfirlit yfir skyldur og ábyrgð skólanefnda samvkvæmt lögum um grunnskóla", lögð fram til kynningar fyrir nýja skólanefnd.

Lagðar fram almennar upplýsingar um skólabyrjun og nemendafjölda í grunnskólum Garðabæjar haustið 2018.

Ársskýrslur grunnskóla fyrir skólaárið 2017-2018 lagðar fram til kynningar. Að venju endurspegla skýrslurnar það fjölbreytilega og metnaðarfulla skólastarf sem fram fer í grunnskólum Garðabæjar.

Umbótaáætlun Flataskóla í kjölfar ytra mats, sem framkvæmt var á skólanum í janúar 2018, lögð fram.

Rætt um mikilvægi hinsegin fræðslu, auk margs konar fræðslu í skólakerfinu svo sem eineltis-, forvarnar- og mannréttindafræðslu. Forstöðumanni fræðslusviðs falið að ræða við skólastjórnendur um fyrirkomulag fræðslunnar í grunnskólum Garðabæjar og mikilvægi þess að hún fari sannarlega fram og vel sé að henni staðið.

Lagt fram til kynningar.

Menntadagur í leik- og grunnskólum Garðabæjar verður föstudaginn 26. október, en sá dagur er sameiginlegur starfsdagur kennara beggja skólastiga.

Dagurinn er mikilvægur fyrir starfsfólk til að kynna verkefni sem hlotið hafa styrk úr þróunarsjóðum og þannig gefst starfsfólki tækifæri til að læra hvert af öðru.

Rætt um forvarnarviku sem verður í Garðabæ dagana 3.-10. október. Að þessu sinni verður fræðsla með áherslu á heilsueflandi samveru.

Lagt fram til kynningar.

Lagt fram til kynningar.

Fjallað var um tilvik þar sem veist hefur verið að ungmennum á opnum svæðum í bænum. Vísað í tilkynningu á heimasíðu Garðabæjar þar sem fram kemur að málið er á forræði lögreglu.