31. fundur

Sviðsstjóri fræðslu- og frístundasviðs kynnti níðurstöður útboðs skólamáltíða í leik- og í grunnskólum.

Rætt var um leiðir til að bæta ástundun og mætingar nemenda í grunnskólum. Skólanefnd telur mikilvægt að þróa áfram viðmið um skólasókn í Garðabæ og að grunnskólar bregðist við með sambærilegum hætti vegna leyfisbeiðna og ófullnægjandi skólasóknar. Skólanefnd vísar málinu til fræðslu- og frístundasviðs til frekari skoðunar i samráði við skólastjórnendur.

Grunnskólafulltrúi kynnti sumarnámskeið/vinnustofur sem haldin verða á endurmenntunardögum fagfólks í ágúst. Fagfólk hefur val um tólf fjölbreytt námskeið/vinnustofur. Flest námskeiðin fara fram 13. ágúst en önnur ná yfir lengri tíma.

Rætt var um skólastarf í grunnskólum Garðabæjar. Skólanefnd telur nauðsynlegt að halda áfram að safna tölfræðigögnum um námsmat, líðan barna og mætingar. Skólanefnd vísar því til fræðslusviðs að skoða hvort meta eigi sömu hæfniviðmið í grunnskólum Garðabæjar, við lok hvers skólastigs þ.e., í 4.,7. og 10. bekk. Grunnskólafulltrúi kynnti Matsferil MMS, þrepaskiptan stuðning og stigskipta kennslu. Matsferill í lesskilningi verður lagður fyrir nemendur í grunnskólum á haustmánuðum og stærðfræði á vormánuðum 2026.

Rætt var um sértæk skólaúrræði. Á vegum SSH er verið að þarfagreina stöðu sérskóla á höfuðborgarsvæðinu. Einnig er hafin vinna á fræðslu- og frístundasviði í samstarfi við skólastjórnendur um þarfagreiningu á sértækum úrræðum í grunnskólum bæjarins. Rædd voru drög að viljayfirlýsingu um stuðning við stofnun á sjálfstætt starfandi skóla fyrir einhverf börn frá og með ágúst 2026.

Samantekt á störfum skólanefndar 2024-2025 lögð fram. Formaður skólanefndar fór yfir störf nefndarinnar. Formaður þakkaði fyrir gott samstarf