Sértæk úrræði í grunnskólum

Grunnskólafulltrúi kynnti stöðu stofnunar Þorláksskóla sem er sérhæfður grunnskóli fyrir einhverf börn. Stefnt er að því að skólinn taki til starfa haustið 2026, af því skyldu að tilskilin leyfi fáist.

Lögð var fram til kynningar viljayfirlýsing á milli Garðabæjar og Jónsvegs ehf. um vilja til að undirbúa stofnun skóla, sem er sérhæfður grunnskóli fyrir einhverf börn.

Lögð fram viljayfirlýsing milli Garðabæjar og Jónsvegs ehf. um vilja til að undirbúa stofnun skóla, sem er sérhæfður grunnskóli fyrir einhverf börn.
Bæjarráð samþykkir með fjórum atkvæðum (HBE, AG, GVG, BDG) að veita bæjarstjóra heimild til að undirrita viljayfirlýsinguna fyrir hönd Garðabæjar.
Þorbjörg Þorvaldsdóttir sat hjá og lagði fram eftirfarandi bókun: "Garðabæjarlistinn fagnar því að horft sé til þess að setja á fót sérúrræði fyrir einhverf grunnskólabörn. Hins vegar hefðum við viljað frekari umræðu og upplýsingar áður en viljayfirlýsing um stofnun nýs skóla er borin á borð bæjarráðs til afgreiðslu, einkarekins grunnskóla með húsnæðisstuðningi frá Garðabæ án þess að fjallað sé um kosti og galla rekstrarformsins, húsnæðismál, þarfagreiningu o.fl. Þess vegna sit ég hjá við hjá við atkvæðagreiðsluna."

Rætt var um sértæk skólaúrræði. Á vegum SSH er verið að þarfagreina stöðu sérskóla á höfuðborgarsvæðinu. Einnig er hafin vinna á fræðslu- og frístundasviði í samstarfi við skólastjórnendur um þarfagreiningu á sértækum úrræðum í grunnskólum bæjarins. Rædd voru drög að viljayfirlýsingu um stuðning við stofnun á sjálfstætt starfandi skóla fyrir einhverf börn frá og með ágúst 2026.