40. fundur

Kristján Gunnarsson hjá Deloitte kynnti vinnu við gerð tölfræðigagna á námsmati, líðan barna og mætingu í grunnskólum Garðabæjar fyrir skólaárið 2024-2025. Til kynningar voru niðurstöður er varða íslensku- og stærðfræði í 4., 7. og 10.bekk. Þá var þróun gagna skoðuð fyrir árin 2019-2024. Staðan er almennt góð, nemendur í Garðabæ standa sig almennt betur í Lesfimi en landið og líðan er almennt betri.

Grunnskólafulltrúi kynnti stöðu stofnunar Þorláksskóla sem er sérhæfður grunnskóli fyrir einhverf börn. Stefnt er að því að skólinn taki til starfa haustið 2026, af því skyldu að tilskilin leyfi fáist.

Skóladagatal 2027 - 2028 var lagt fram til kynningar og samþykkt.

Úthlutun úr Endurmenntunarsjóði grunnskóla 2026, var lögð fram til kynningar. Alls bárust umsóknir um styrki til 226 verkefna frá 82 umsækjendum upp á rúmlega 227 milljónir króna. Ákveðið var að veita styrki til 219 verkefna og nam heildarfjárhæð styrkloforða rúmlega 82,4 milljónum króna.

Garðabær = 3.399.000.- (103 klukkustundir)

Álftanesskóli = 462.000.-

Flataskóli = 264.000.-

Hofsstaðaskóli = 462.000.-

Garðaskóli = 297.000.-

Sjálandsskóli = 990.000.-

Urriðaholtsskóli = 990.000.-

Samtals úthlutað til Garðabæjar kr. 6.864.000.-

Grunnskólafulltrúi kynnti aðkomu næringarfræðinga á vegum Garðabæjar sem frá og með vori 2026 munu sinna eftirliti með skólamáltíðum í leik- og grunnskólum. Á samningstímanum munu þeir heimsækja skóla í Garðabæ. Árlega verður farið í markvissar úttektir í völdum skólum þar sem m.a., verða metnir matseðlar, framsetning, úrval og gæði matar.

Næringarfræðingar munu einnig fara í eftirlit í framleiðslueldhús Skólamatar og skóla þar sem það á við, með áherslu á eftirlit með gæðum, innihaldsefnum, vinnslu hráefna og fyrirkomulag vegna ofnæmisvalda.

Samantekt á störfum skólanefndar 2025-2026 lögð fram. Formaður skólanefndar fór yfir störf nefndarinnar og helstu verkefni og áherslu á kjörtímabilinu. Formaður þakkaði fyrir gott samstarf á kjörtímabilinu.