39. fundur

Verkefnastjóri farsældar í Garðabæ, Sólveig Norðfjörð kynnti stöðu innleiðingar í Garðabæ.

Lagt var fram til kynningar upplýsingar um úthlutun úr Þróunarsjóði grunnskóla Garðabæjar 2026. Að þessu sinni bárust 25 umsóknir, sótt var um kr. 57.631.860.- Allar umsóknir voru teknar til afgreiðslu, 20 verkefni fengu úthlutað. Skólanefnd lagði til við bæjarráð að úthlutað yrði úr Þróunarsjóði Garðabæjar kr. 28.000.000.-, í samræmi við reglur sjóðsins. Skólanefnd fagnar fjölda áhugaverðra umsókna sem bera vitni um metnaðarfullt og framsækið skólastarf í Garðabæ og hvetur þá sem ekki fengu úthlutað að þessu sinni að sækja um að ári liðnu.

Framkvæmdastjóri Hjallastefnunnar óskar eftir að færa einn af skipulagsdögum haustsins á skóladagatali skólaársins 2026-2027, það er skipulagsdaginn 21. september verði færður til 9. október 2026, vegna sameiginlegs starfsdags Hjallastefnunnar. Skólanefnd bókar að Garðabær hefur samþykkt skóladagatöl tvö ár fram í tímann. Skólanefnd samþykkir erindið enda tryggi skólinn opnun frístundaheimilisins og þjónustu fyrir þá nemendur sem á því þurfa að halda. Skólanefnd leggur áherslu að skipulagsdagar falli að sameiginlegu skóladagatali í leik- og grunnskólum Garðabæjar.

Skólanefnd samþykkir erindi Flataskóla miðað við gefnar forsendar.

Sigríður Hulda Jónsdóttir, formaður skólanefndar grunnskóla og Linda Udengaard sviðsstjóri fræðslu- og frístundasviðs kynntu ný undirritaðan samning við Hjallastefnuna. Samningurinn felur í sér frekari uppbyggingu Hjallastefnunnar á Vífilsstöðum. Skólanefnd fagnar faglegu og fjölbreyttu námsumhverfi barna.