5. fundur

Farið var yfir vinnuferlið við fjárhagsáætlunargerð. Gert er ráð fyrir að tillaga að fjárhagsáætlun verði lögð fram í bæjarráði 28. október. Fyrri umræða í bæjarstjórn verður 6. nóvember og síðari umræða 4. desember. Skólastjóri fór yfir helstu mál er líta að tónlistarskólanum en kominn er tími á nokkra endurnýjun í hljóðfærum. Leggur nefndin áherslu á að nemendur hafi úr góðum hljóðfærum að spila.

Skólastjóri fór yfir fyrstu vikurnar í skólastarfinu sem hefur farið mjög vel af stað, fjölda nemenda og fjölda þeirra sem eru á biðlista. Fram kom að skólahúsnæðið er vel nýtt fram á kvöld og mikilvægt er að huga að stækkun á húsnæði skólans á þessu kjörtímabili.

Lögð fram gjaldskrá TG fyrir skólaárið 2013-2014 en engin hækkun varð á skólagjöldum fyrir yfirstandandi skólaár. Samkvæmt 11. gr. laga um fjárhagslegan stuðning við tónlistarskóla kemur fram að tónlistarskólum ber að innheimta skólagjöld til að standa undir öðrum kostnaði en launum kennara og skólastjóra. Verður frekar rætt á næsta fundi nefndarinnar í tengslum við nánari yfirferð fjárhagasáætlunar.

Skólastjóri nefndi að vinna er að hefjast við vinnu að skólanámskrá TG. Miðað verður við þær skólanámskrár sem voru í skólunum tveimur fyrir sameiningu og aðalnámskrár tónlistarskóla útgefna af mennta- og menningarmálaráðuneytinu. Þar sem bæði er fjallað um almennanhluta og sérstaka greinahluta.

Fram kom hjá skólastjóra að stefnt er að leggja könnun fyrir foreldra og starfsfólk í febrúar eða mars 2015. Verið er að kanna hvort sú könnun yrði framkvæmd af sveitarfélaginu eða utanaðkomandi aðili fenginn til að framkvæma könnunina.

Lagðar voru fram ályktanir frá sex svæðaþingum tónlistarskóla og frá samstöðufundi sem haldinn var þann 7. október. Nefndin vonar að ekki komi til boðaðrar vinnustöðvunar þann 22. október og hvetur um leið samningsaðila til að komast að ásættanlegri niðurstöðu þannig að skólahald riðlist ekki.