23. fundur

Skólastjóri fór yfir þá tónleika sem farið hafa fram undanfarið, fram kom að síðustu tónleikar skólaársins verða á Álftanesi á morgun fimmtudag kl. 18:00 og 19:00.

22. maí fara nemendur í heimsókn á Hrafnistu og halda þar árlega tónleika. Hljóðfærakynningar fara fram í grunnskólum Garðabæjar 22. og 23. maí nk. Þá verða haldnir 29 tónfundir áður en skólastarfi lýkur.

Skólaslit tónlistarskólans verða þriðjudaginn 29. maí kl. 17:30 í Vídalínskirkju.

Fyrir fundinum lá vegvísir að Menningar- og fræðamiðstöð í Garðabæ. Starfshópur sem skipaður var af bæjarstjórn skilaði af sér skýrslu í lok apríl. Nefndin tekur undir með skólastjóra að helsti möguleiki skólans væri að nýta húsnæðið ef þar væri tónleikasalur fyrir um 350-400 áheyrendur.

Félag kennara og stjórnenda í tónlistarskólum (FT) og Samband íslenskra sveitarfélaga skrifuðu undir samkomulag um breytingar og framlengingu á kjarasamningi FT 9. maí síðastliðinn. Skólanefnd TG fagnar því að aðilar hafa náð samkomulagi og vonast til að hann verði samþykktur í atkvæðagreiðslu í lok maí.

Fram kom hjá skólastjóra að svipaður fjöldi nemenda verður við skólann á komandi skólaári. Tónlistarskólinn verður settur föstudaginn 24. ágúst. Skólastarfi verður með svipuðu sniði og undarnfarin ár þó má nefna að strengjasveitir skólans taka þátt í strengjasveitamóti í Reykjanesbæ á haustdögum og B blásarasveit skólans stefnir á ferð til Spánar vorið 2019.