8. fundur

Skólastjóri fór yfir drög að skóladagatali 2015-2016 og helstu dagsetningar. Fram koma að tónlistarskólinn verður settur 26. ágúst og skólaslit verða 27. maí 2016. Jóla- og páskafrí ásamt vetrarfríi eru samræmd skóladagatali grunnskólanna en vetrarfrí er vikuna 15. - 19. febrúar. $line$Skólanefndin samþykkir skóladagatalið fyrir sitt leiti.

Fyrir fundinum lá tillaga að gjaldskrá fyrir skólaárið 2015-2016. Gerir gjaldskráin ráð fyrir 3,4% hækkun gjalda sem eru í samræmi við þær gjaldskrárhækkanir sem urðu um síðast liðin áramót.$line$Skólanefndin samþykkir gjaldskrá Tónlistarskóla Garðabæjar fyrir skólaárið 2015-2016.

Skólastjóri sagði frá framhaldsprófstónleikum Helga Þorleikssonar sem haldnir voru þriðjudaginn 17. mars og heppnuðust einstaklega vel og mikill fjöldi mætti á tónleikana. Í vor verða haldnir samtals fimm framhaldsprófstónleikar við TG. $line$Skólastjóri fór yfir það helsta í starfinu nú í mars og út vorið. Í mars fer fram viðhorfskönnun meðal foreldra og í apríl verður framkvæmd starfsmannakönnun.