14. fundur

Skólastjóri fór yfir drög að skóladagatali 2016-2017 og helstu dagsetningar. Fram kom að tónlistarskólinn verður settur 25. ágúst og skólaslit verða 26. maí 2017. Jóla- og páskafrí ásamt vetrarfríi eru samræmd skóladagatali grunnskólanna en vetrarfrí er vikuna 20. - 24. febrúar.

Skólanefndin samþykkir skóladagatalið fyrir sitt leiti.

Vel heppnað landsmót skólahljómsveita var haldið í Garðabæ um mánaðarmótin apríl/maí. Landsmótið heppnaðist í alla staði mjög vel og endaði með stórtónleikum í Ásgarði 1. maí. Skólaslit verða föstudaginn 27. maí.

Skráningar fyrir næsta skólaár hafa gengið vel. Fram kom að ekki er um að ræða miklar breytingar í starfsmannahóp skólans fyrir næsta skólaár. Skólastjóri fór yfir kennsluhúsnæði í grunnskólum bæjarins. Tónlistarskólinn verður settur fimmtudaginn 25. ágúst.

Fyrir fundinum lá tillaga að gjaldskrá fyrir skólaárið 2016-2017. Gerir gjaldskráin ráð fyrir 3,2% hækkun gjalda sem eru í samræmi við þær gjaldskrárhækkanir sem urðu um síðastliðin áramót.

Skólanefndin samþykkir gjaldskrá Tónlistarskóla Garðabæjar fyrir skólaárið 2016-2017.

Lagðar fram niðurstöður í þjónustukönnun meðal íbúa sem fram fór í nóvember.