3. fundur

Skólastjóri fór yfir upphaf skólastarfs. Í skólanum eru nú 490 nemendur og 50 starfsmenn, kennslustaðir eru átta. Skólastarfið fór af stað með hefðbundnum hætti þrátt fyrir þær aðstæður sem uppi eru vegna Covid19. Reynt er að tryggja öryggi nemenda og kennara eins og kostur er með auknum sóttvörnum og með því að takmarka aðgang utanaðkomandi aðila að húsnæði skólans eins og hægt er. Í dag eru um 200 börn á biðlista við skólann.

Formaður fór yfir ferlið við undirbúning áætlanagerðarinnar. Umræða var á fundinum um áherslur TG við fjárhagsáætlunina. Skólastjóri mun óska eftir auknum stöðugildum við skólann, fjármagni til búnaðarkaupa og til að hljóðeinangra kennslustofu á Álftanesi.

Skjalið "Forvarnastefna Garðabæjar 2020" er tilbúið til kynningar. Það er hér með sent frá ÍTG á nefndir og ráð bæjarins til umsagnar. Allar ábendingar eru vel þegnar.

Síðar verður farið í að laga framsetningu, leturgerðir og fleira áður en þetta fer á vefinn.

Skólanefnd tónlistarskólans leggur áherslu á forvarnargildi tónlistar og tónlistarkennslu.

Lagt fram til kynninga. Formanni og skólastjóra falið að taka saman minnispunkta um málefnið.