04. fundur

Farið yfir rekstrarstöðu safnsins í dag. Farið sérstaklega yfir og borin saman kostnaður við einstakar sýningar. Ath. hver staðan er á fjárhagsáætlun safnsins eftir fyrstu umræðu í bæjarstjórn. Ræddir möguleikar um samstarf við fyrirtæki í tengslum við einstakar sýningar, aðgangseyri og fleira.

Rekstur er á áætlun miðað við að framlag ríkisins berist fyrir lok árs 2022. Til stendur að undirrita samning varðandi framlagið næstu daga. Stjórn er sammála um að láta á það reyna að fá stuðning frá fyrirtækjum í ákveðin verkefni á vegum safnsins.

Staða samnings við Menningarmálaráðuneytið.

Samningur vegna framlags ríkisins fyrir árið 2022 upp á 20m verður undirritaður næstu daga. Rekstrarsamningur til næstu fjögurra ára er í mótun í samtali við menningar- og viðskiptaráðuneytið. Stefnt er að því að gengið verði frá honum í byrjun árs 2023 og að hann gefi svigrúm í rekstri fyrir vandaða safnfræðslu og að safnið geti safnað og miðla íslenskri byggingarlistasögu en fjármagn hefur skort í þessa málaflokka.

Húsnæðismál safnsin verða tekin fyrir sérstaklega með ráðuneytinu en stjórn safnsins og starfsmenn hafa áhyggjur af varðveislurými safnsins sem þarfnast viðhalds og gagngerra endurbóta. Varðveislurýmið hefur enga hitastýringu og gamlar lagnir valda áhyggjum. Á síðustu fimm árum hefur þrisvar komið upp leki í kjallaranum. Auk þess er varðveislurýmið orðið fullt og finna þarf lausn til framtíðar.

Farið yfir dagskrá safnsins 2023.

Farið yfir dagskrá safnsins fyrir árið 2023.

Farið yfir stöðuna á framkvæmdum vegna brunavarna.

Á árinu fékk safnið úthlutað fjármagni frá Garðabæ til þess að fara í endurbætur samkvæmt úttekt á brunavörnum frá verkfræðistofunni Örugg. Erfiðlega hefur gegnið að fá þessu framfylgt þar sem starfsmenn eignaumsjónar bæjarins hafa ekki haft svigrúm til þess að sinna verkefninu. Guðbjörg Brá sviðstjóri umhverfissviðs hefur fullvissað forstöðumann um að framkvæmdum verði lokið í desember.

Í sumar lagði fasteignafélagið Reginn fram vinnu og efni við endurbætur á um 250 fm hluta af varðveislurými safnsins. Gamlir kæliklefar voru fjarlægðir, raflagnir endurnýjaðar, bætt við niðurfalli, rýmið hreinsað og málað og farið yfir lagnir í rýminu. Þessar endurbætur eru til mikilla bóta en samkvæmt samningi á leigutaki að sjá um allt viðhald innandyra. Fasteignafélagið á því þakkir skilið.