29. fundur

Lagt fram.

Lagt fram.

Formaður umhverfisnefndar fer yfir könnunina og helstu niðurstöður hennar. Könnunin hefur almennt komið vel út í Garðabæ og hafa niðurstöður hennar og vísbendingar verið nýttar til að bregðast við og bæta þjónustuna. Umhverfisnefnd leggur áherslu á nákvæma rýningu niðurstaðna og að skoða tækifæri til úrbóta.

Umhverfisnefnd er ánægð með áform um stækkun friðlandsins í Garðahrauni.

Lagt fram.

Umhverfisnefnd Garðabæjar tekur undir um að mikilvægt sé að samræma flokkun á höfuðborgarsvæðinu. Þá styður umhverfisnefnd tillögu starfshópsins við úrgangssöfnun á höfuðborgarsvæðinu þar sem lagt er til að fjórum úrgangsflokkum verði sérsafnað við heimili og vonar að sú tillaga verði samþykkt í öllum sveitafélögum höfuðborgarsvæðisins.

Linda Björk Jóhannsdóttir kynnir minnisblað um trjágróður á lóðarmörkum.

Umhverfisnefnd fagnar samþykki bæjarstjórnar á að að hafin verði vinna á tækni- og umhverfissviði við að undirbúa skipulag á göngustíg milli Búrfells og Helgafells í samvinnu við Hafnarfjörð. Einnig að hafin verði vinna við svo kallaðan ,"Vatnastíg" hringleið sem nær milli Vífilsstaðavatns og Urriðakotsvatns og jafnvel til Hvaleyrarvatns í samvinnu við Hafnarfjörð. Þá er lagt til að skipulagsvinna hefjist við Garðahraun efra með það í huga að koma á göngu- og hjólastíg frá Urriðaholti í átt að Vífilsstöðum með tengingu við Garðahraun neðra.

Lagt fram.

Bókun Garðabæjarlistans:

"Við í Garðabæjarlistanum fögnum ákvörðun meirihlutans að taka tvær af frábærum tillögum Garðabæjarlistans og setja þær í annan búning og leggja svo fram sem sína tillögu í bæjarstjórn þann 4. febr. s.l.

Þann 20. september 2018 lagði Garðabæjarlistinn fram tillögu um að Garðabær setti á fót sköpunarmiðstöð eða menningarhús. Einnig kom fram í þeirri tillögu að íþrótta- og tómstundaráð, menningar og safnanefnd og ungmennaráð myndu saman móta hugmyndir að menningarhúsi. Þann 18. október 2018 lagði Garðabæjarlistinn fram tillögu um að Garðabær hefji viðræður við eigendur fasteignar að Garðatorgi 1 með það að leiðarljósi að aukið rými skapist fyrir Hönnunarsafn Ísland og um leið fyrir aðra starfsemi.

Á sama augnabliki og við fögnum því að meirihlutinn taki upp okkar góðu tillögur að þá verðum við smá sorgmædd yfir þeim vinnubrögðum sem meirihlutinn viðhefur. Það að vísa okkar tillögum í nefndir og láta þær svo hverfa í svarthol tillagna til þess eins að setja þær í annan búning í sínu nafni þykir okkur vera dapurleg vinnubrögð.?

Við gerum athugasemd við að tillögur okkar hafa ekki verið ræddar í nefndum og óskum eftir að svo verði. Nefndum ber að afgreiða tillögur sem þangað koma inn.