35. fundur

Brynjar Snær Arnarsson kynnti fyrir nefndinni starf umhverfishópa í sumar. Umhverfisnefnd fagnar miklu og öflugu starfi sem unnið var í umhverfishópum í sumar.

Skýrslur unnar af sumarstarfsfólki varðandi úttekt á útivistarsvæðum og hugmyndir af loflagsstefnu Garðabæjar lagðar fram til kynningar.

Umhverfisuppgjör 2020 Garðabæjar lagt fram. Umhverfisnefnd leggur áherslu á að unnið verði með niðurstöður uppgjörsins þar sem verði gerð áætlun til að vinna að því að kolefnisjafna stofnanir sveitafélagsins, vísað í vinnu að loftlagsstefnu Garðabæjar.

Fish partner ehf er að óska eftir samstarfi vegna veiðileyfa í Vífilsstaðarvatni. Málið verður afgreitt með endurnýjun á samningi um veiðileyfi í Vífilsstaðarvatni.

Lagt fram.

Á fundi umhverfisnefndar Garðabæjar, sem haldinn var 14. apríl 2021, var fjallað um vöktun á flúor í gróðri sem bærist frá álverinu í Straumsvík. Fram hafði komið í nýlegri rannsókn og mastersritgerð í Umhverfisfræðum frá Háskóla Íslands að álag vegna flúors frá verksmiðjunni væri líklega mest á Garðaholti. Þar áformar Garðabær aukna byggð. Annað tilefni til þess að nefndin tók þetta mál upp var að vitað var að komið væri að því að Umhverfisstofnun fengi til skoðunar / samþykktar nýja umhverfisvöktunaráætlun fyrir álverið. Nefndin gerði ítarlega samþykkt þar sem m.a. var sagt;



,, Umhverfisnefnd telur nauðsynlegt að bæta vöktunaráætlun frá Álverinu fyrir svæðið í heild við endurútgáfu starfsleyfis fyrir álverið í Straumsvík. Mikilvægt er að fá loftgæðamæli á svæðið og samráð verði haft við heilbrigðiseftirlitið’’. Bæjarráð Garðabæjar samþykkti tillögu umhverfisnefndar á fundi sínum þann 20. apríl 2021.



Af ódagsettu svari Umhverfisstofnunar má ráða að ekki stendur til að verða við óskum Garðabæjar um loftgæðamælistöð eða aukna vöktun.



Umhverfisnefnd samþykkti eftirfarandi bókun sem send verður á Umhverfisstofnun.



Umhverfisnefnd Garðabæjar ítrekar þá afstöðu sem fram kom í samþykkt hennar og bæjarráðs frá því í apríl 2021. Hafa þarf til hliðsjónar við gerð umhverfisvöktunaráætlunar fyrir álverið að fyrirhuguð er uppbygging á íbúðarbyggð á Garðaholti. Nefndin tekur undir álit heilbrigðisnefndar um að þörf er á áþekkri vöktun á Garðaholti líkt og er í Hafnarfirði. Verði áætlunin samþykkt þarf að hafa í henni tímasett endurskoðunarákvæði. Að eigi síðar en t.d. 1. október 2023 komi endurskoðuð áætlun á vöktun á flúor í gróðri á áhrifasvæði álversins og þar sem gert verði ráð fyrir reglubundinni vöktun á flúor og brennisteinsdíoxíði á Garðaholti.

Tækni -og umhverfissvið mun vinna að bættu skipulagi við að sækja um leyfi fyrir viðburðum í bæjarlandinu og móta stefnu í þeim efnum.

Umhverfisnefnd telur að álag á stíg norðan Vífilsstaðarvatns sé þannig að ekki ætti að auka það með skipulögðum viðburðum og aðstöðusköpun fyrir viðburði verði ekki við vatnið

Athugasemdir við friðlýsingu Skerjafjarðar lagðar fram. Umhverfisstofnun ásamt samráðshópi vinnur að svörum athugasemda.