Álfta­nes­skóli

Skólasetning Álftanesskóla fer fram á sal skólans mánudaginn 24. ágúst. Nemendur og forráðaaðilar fara að henni lokinni í stofur með umsjónarkennara þar sem haustfundur verður haldinn.

Áætlað er að skólasetning og haustfundur taki um 1 - 1,5 klst.

Tímasetning skólasetninga:

• Nemendur í 2. - 4. bekk mæta kl. 9:00
• Nemendur í 8. - 10. bekk mæta kl. 10:00
• Nemendur í 5. - 7. bekk mæta kl. 11:00
• Nemendur í 1. bekk mæta kl. 13:00 - haustfundur verður boðaður síðar
• Nemendur á yngsta stigi (2. - 4. bekk) fá gæslu hjá starfsmönnum skólans á meðan á haustfundum stendur.

Skólastarf hefst svo skv. stundaskrá þriðjudaginn 25. ágúst og þá opnar einnig frístundaheimilið fyrir nemendur sem þar eru skráðir.

Hægt er að senda skólanum tölvupóst á netfang skólans alftanesskoli@alftanesskoli.is

Fyrsti áfangi Álftanesskóla var tekinn í notkun haustið 1978. Fyrir þann tíma var skólahald á Bessastöðum frá 1880, Bjarnastaðaskóli starfaði frá 1889 til 1978, og var til húsa að Bjarnastöðum. Jafnhliða fjölgun íbúa og nemenda hefur skólinn stækkað. Frá haustinu 1998 hefur Álftanesskóli verið einsetinn.

Í dag er Álftanesskóli einsetinn, heildstæður grunnskóli fyrir nemendur í 1. – 10. bekk. Skólasafnið og Bókasafn Álftaness/Garðabæjar eru rekin sameiginlega í skólahúsinu. Eftir að skóladegi nemenda í 1. – 4. bekk lýkur er boðið upp á síðdegisvistun, Frístund. Skólinn starfar samkvæmt aðalnámskrá, skólastefnu sveitarfélagsins og skólanámskrá skólans.

• Á skólaárinu 2025-2026 eru 387 nemendur í skólanum og um 75 starfsmenn.
• Skólinn opnar 7:45 og kennsla hefst 8:15/8:25, henni lýkur 13:15/14:00 eða síðar hjá þeim sem eru í valgreinum.

Listi yfir starfsfólk Álftanesskóla sem og allt starfsfólk Garðabæjar.