6. fundur

Lögð fram fyrirspurn um viðbyggingu á norðausturhlið raðhússins sem nær út fyrir byggingarreit.

Svar: Tillaga þessa efnis kallar á breytingu deiliskipulags sem gerir ráð fyrir stækkun byggingarreits. Ef sótt er um breytingu þarf samþykki annarra eigenda rahúslengjunnar að liggja fyrir. Mælt er með því að arkitekt breytingartillögunnar tilkynni arkitekt hússins um breytingartillöguna eins og siðareglur arkitekta kveða á um.

Lögð fram ný tillaga í kjölfar svars við fyrirspurn um smáhýsi. Að þessu sinni er lögð til viðbygging við vesturgafl íbúðarhússins.

Svar: Skipulagsstjóri leggur til að sótt verði um byggingarleyfi fyrir viðbyggingunni og að því fylgi ásamt grunnmynd, útlitsmynd og sneiðing og afstöðumynd sem sýni fjarlægð viðbyggingar að lóðarmörkum og aðliggjandi húsi.Þar sem ekkert deiliskipulag er í gildi á svæðinu þarf að taka afstöðu til þess hvort byggingarleyfisumsókn verði vísað til grenndarkynningar.

Vísað til skipulagsnefndar.

Lögð fram umsókn um byggingarleyfi fyrir fjölbýlishúsið Eskiás 1. Yfirferð teikninga leiðir í ljós að tillagan er í samræmi við deiliskipulag Ása-og Grunda m.s.br.

Sýna skal byggingarreit á grunnmyndum og hámarkshæð samkvæmt deiliskipulagi á sneiðingum og útlitsmyndum.

Skipulagsstjóri gerir ekki athugasemd við að byggingarleyfi sé veitt fyrir umsókninni hvað skipulagsþátt hennar varðar.

Lögð fram fyrirspurn fyrir hönd lóðarhafa um stærð lóðar í deiliskipulagi og fleira. Fyrirspurn vísað til mótunar tillögu um breytingar á deiliskipulagi Hraunsholts eystra sem nær til lóða sunnan við Hraunhóla. Skoða skal hvort skynsamlegt sé að stækka lóðina í átt að hraunjaðri og hvort skipta megi henni upp í tvær einbýlishúsalóðir.

Lögð fram byggingarleyfisumsókn að einbýlishúsi sem gerir m.a. ráð fyrir kjallara undir neðra gólfi húss með geymslu og leikfimirými. Úr leikfimi rými er gengt út í niðurgrafið útisvæði með heitum potti sem er utan byggingarreits. 107 m2 óuppfyllt rými er einnig sýnt í kjallara undir neðra gólfi.

Tillögu vísað til afgreiðslu skipulagsnefndar.

Lögð fram tillaga að óverulegri breytingu deiliskipulags sem gerir ráð fyrir 9,6 m vegg á lóðarmörkum sem er 2,1 m lengri en deiliskipulag heimilar. Engar athugasemdir hafa borist. Breytingin skoðast því samþykkt sem óveruleg breyting deiliskipulags Flata í samræmi við 2.mgr.43.gr.Skipulagslaga nr. 123/2010.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram tillaga að óverulegri deiliskipulagsbreytingu að lokinni grenndarkynningu. Engar athugasemdir hafa borist. Tillagan skoðast því samþykkt sem óveruleg breyting deiliskipulags Flata í samræmi við 2.mgr.43.gr.Skipulagslaga nr. 123/2010..

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram fyrirspurn frá lóðarhafa hvort Garðabær sem landeigandi samþykki 8 m2 smáhýsi innan 3 metra frá lóðarmörkum að opnu svæði milli raðhússlengjanna Móaflöt 5-15 og einbýlishúsa við Hagaflöt.

Skipulagsstjóri samþykkir fyrir hönd Garðabæjar að smáhýsið standi nær lóðarmörkum en 3 metrar svo fremi að útfærsla þess sé í samræmi við önnur ákvæði byggingarreglugerðar um smáhýsi.

Lögð fram umsókn um byggiingarleyfi sem gerir m.a. ráð fyrir íbúð á neðri hæð hússins. Deiliskiplag heimilar ekki íbúðir á neðri hæð húsa við Iðnbúð og Smiðsbúð og er umsókn því ekki í samræmi við deiliskipulag. Ef sótt er um deiliskipulagsbreytingu sem gerir ráð fyrir því að íbúð á neðri hæð verði heimiluð má búast við því að umsókninni verði hafnað.

Fyrirspurn vísað til umsagnar deiliskipulagshöfundar.

Tillögu að útfærslu lóðar vísað til umsagnar hjá deiliskipulagshöfundi.