6. (2107). fundur

Bæjarráð samþykkir að leggja til við bæjarstjórn að samþykkja tillögu skipulagsnefndar að heimila útgáfu byggingarleyfis þó að vikið sé frá deiliskipulagi varðandi nýtingu á niðurgröfnu kjallararými fyrir geymslur við byggingu fjölbýlishússins við Grímsgötu 2-4. Um óverulegt frávik er að ræða sem ekki varðar neina grenndarhagsmuni og þarf því ekki að koma til breytinga á deiliskipulagi sbr. heimild í 3. mgr. 43. gr. skipulagslaga nr. 123/2010.

Bæjarráð samþykkir tillögu skipulagsnefndar um breytingu á deiliskipulagi vesturhluta Urriðaholts vegna lóðarinnar við Vinastræti 1-3. Um er að ræða breytingu á lögun byggingarreits og afmörkuðum byggingarreit fyrir spennistöð. Tillagan var auglýst og bárust engar athugasemdir. Samþykkt tillaga skal send Skipulagsstofnun og auglýst í B- deild Stjórnartíðinda.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning vegna óverulegrar breytingar á deiliskipulagi Hraunsholts eystra í tilefni umsóknar um stækkun byggingarreits fyrir viðbyggingu einbýlishússins við Lækjarfit , sbr. 2. mgr. 43. gr. skipulagslaga nr. 123/2010 og 2. mgr. 44. gr. sömu laga.

Grenndarkynna skal lóðarhöfum og íbúum að Lækjarfit nr. 4, 8, 10 og 11 og að Löngufit 5, 7 og 9.

Bæjarráð samþykkir fyrir sitt leyti samning við Eflu hf. varðandi kortlagningu umferðarhávaða. Áætlaður heildarkostnaður er kr. 39.466.562 með vsk og er hlutur Garðabæjar kr. 3.005.355. Áætluð verklok eru 31. maí 2024.

Bæjarráð samþykkir að veita Bessastaðasókn styrk að fjárhæð kr. 366.198 til greiðslu fasteignagjalda árið 2024.

Bæjarráð samþykkir að veita Hestamannafélaginu Sóta styrk að fjárhæð kr. 958.352 til greiðslu fasteignagjalda árið 2024.

Í bréfinu kemur fram að í ráðuneytinu er hafin undirbúningsvinna vegna stefnumörkunar og heildarendurskoðunar á tónlistarfræðslu á öllum skólastigum meðal annars í samræmi við sáttmála um ríkisstjórnarsamstarf og í tengslum við Menntastefnu til 2030. Sem liður í undirbúningsvinnunni er framkvæmd úttektar á starfsemi tónlistarskóla sem viðurkenndir hafa verið samkvæmt 1. gr. laga nr. 75/1985 um fjárhagslegan stuðning við tónlistarskóla

Bæjarráð vísar bréfinu til umfjöllunar skólanefndar Tónlistarskóla Garðabæjar.

Fylgiskjöl

• scan_r02erla08022024.pdf

Bæjarráð lýsir yfir áhuga Garðabæjar á kaupum á lóðinni enda verði matsverð lóðarinnar ásættanlegt. Bæjarráð lýsir jafnframt yfir áhuga á að hefja viðræður við ríkið um möguleika á að Garðabær eignist jörðina Gesthús.

Bæjarráð vísar reglunum til afgreiðslu bæjarstjórnar.

Sviðsstjóri fræðslu- og menningarsviðs gerði grein fyrir minnisblaði varðandi tillögu um breyttan opnunartíma frístundaheimila sem lagt var fram á fundi skólanefndar 7. febrúar 2024.

Bæjarráð samþykkir að leggja til við bæjarstjórn að samþykkja tillögu skólanefndar um breyttan opnunartíma frístundaheimila Opnunartími verður styttur frá og með 1. apríl um 30 mínútur á dag eða til 16:30. (Var áður kl. 17:00)