24. (2077). fundur

Á fund bæjarráðs kom Edda Björg Sigurðardóttir, grunn- og tónlistarskólafulltrúi og gerði grein fyrir skólastarfi grunnskóla Garðabæjar og Tónlistarskóla Garðabæjar. Farið var yfir fjölda nemenda í skólunum sagt frá starfi í einstaka skólum. Upplýst var um samstarf grunnskólanna, tónlistarskólans og Hönnunarsafnsins varðandi menningartengda viðburði. Edda Björg sagði frá starfi samstarfshóps á vegum SSH um skólamál og verkefnum sem samstarfshópurinn hefur komið að. Fram kom að á vegum skólaskrifstofu hefur verið boðið upp á sameiginlega fræðslu fyrir starfsmenn skólanna og þá eru verkefni sem hlotið hafa styrk úr þróunarsjóði kynnt á sameiginlegum Menntadegi.

Sviðsstjóri umhverfissviðs fór yfir stöðu framkvæmda við endurbætur og viðhald í húnsæði Hofsstaðaskóla, Garðaskóla, Flataskóla og Álftanesskóla. Gerð var grein fyrir framgangi verkefnisins og farið nánar yfir framkvæmdir í einstaka skólum sem eru fyrirhugaðar í sumar. Áhersla er lögð á að öllum megin framkvæmdum verði lokið fyrir skólabyrjun þannig að ekki verði röskun á skólastarfi í haust.

Edda Björg Sigurðardóttir, grunn- og tónlistarskólafulltrúi sat fund bæjarráðs undir þessum dagskrárlið.

Bæjarráð samþykkir afgreiðslu byggingarfulltrúa að veita umhverfissviði leyfi til að reisa viðbyggingu við leikskólann Bæjarból við Bæjarbraut.

Bæjarráð samþykkir afgreiðslu byggingarfulltrúa að veita Vetrarmýrinni ehf., kt. 550121-1580, leyfi til að byggja fjölbýlishús með 72 íbúðum að Vetrarbraut 2-4.

Bæjarráð samþykkir afgreiðslu byggingarfulltrúa að veita Lækjarkór ehf., kt. 690518-1470, leyfi til að byggja fjölbýlishús með 25 íbúðum að Víðiholti 1.

Bæjarráð vísar bréfinu til umfjöllunar skipulagsnefndar og umhverfisnefndar.

Lagt fram bréf Samtaka aldraðra þar sem starfsemi félagsins er kynnt en tilgangur og markmið félagsins er að reisa með sem hagkvæmustu kjörum íbúðir fyrir félagsmenn sína til eigin afnota.

Í fylgigögnum með tilkynningunni kemur fram að framlag til Garðabæjar nemur kr. 35.148.168 skólaárið 2023-2024.

Í fylgigögnum er lögð fram áætlun nr. 3 þar sem fram kemur að framlag til Garðabæjar árið 2023 nemur kr. 1.087 þkr.

Bæjarráð vísar málinu til umfjöllunar skipulagsnefndar.

Í kærunni var gerð krafa um stöðvun framkvæmda og hefur af hálfu bæjarins verið brugðist við þeim þætti málsins. Ívari Pálssyni, lögmanni hefur verið falið að gæta hagsmuna bæjarins í málinu.

Samkvæmt ráðningarsamningi bæjarstjóra á fjárhæð launa að taka breytingum 1. júní ár hvert í samræmi við breytingar á launavísitölu sem útgefin er af Hagstofu Íslands og skal miða við grunnvísitölu júnímánaðar 2022.

Lagt fram samkomulag við bæjarstjóra sem felur í sér að laun bæjarstjóra hækka um 2,5% þann 1. júní 2023 í stað hækkunar samkvæmt ráðningarsamningi, dags. 7. júní 2022.

Bæjarráð samþykkir samkomulag við bæjarstjóra um breytingu á launakjörum samkvæmt ráðningarsamningi, dags. 7. júní 2022.

Bæjarstjóri og starfsmenn aðrir en bæjarritari viku af fundi við umræðu og afgreiðslu málsins.