19. (2167). fundur

Bæjarstjóri kynnti útfærslu á því hvernig Garðabær hyggst mæta kostnaðarauka í tengslum við kjarasamninga við kennarafélögin, ásamt hagræðingartillögum.

1. Hagræðing kr. 83.000.000. Áformað er að hagræða í launakostnaði að fjárhæð kr. 73.000.000 sem mætt verður með færri sumarstörfum á bæjarskrifstofum, engar nýráðningar sumarstarfa eftir 19. maí, átak í að draga úr kostnaði vegna skammtímaveikinda, launafrysting bæjarstjóra og sviðsstjóra, ásamt almennri hagræðingu launa. Að auki er ráðgert að hagræða í aðkeyptri þjónustu sveitarfélagsins að fjárhæð kr. 10.000.000.

Þá mun frekari kostnaði mætt með eftirfarandi hætti, sbr. minnisblað sem kynnt var í bæjarráði 25. mars 2025:

2. Varasjóður samkvæmt samþykktri fjárhagsáætlun kr. 200.000.000.

3. Tekjuauki vegna Jöfnunarsjóðs sveitarfélaga (uppfærð áætlun sjóðsins) kr. 100.000.000.

4. Tekjuauki vegna hærra útsvars af launum kennara kr. 50.000.000.

5. Minnkað umfang framkvæmda kr. 100.000.000. Dregið verður úr framkvæmdum eins og unnt er.

Bæjarráð samþykkir afgreiðslu byggingarfulltrúa að veita Sigurgeir Sigurgeirssyni, kt. 080264-3569, leyfi til að byggja tvílyft einbýlishús með innbyggðum bílskúr að Stekkholti 2.

Bæjarráð samþykkir afgreiðslu byggingarfulltrúa að veita Vorbraut 3 ehf., kt. 471223-1820, leyfi fyrir byggingu fjölbýlishúss á 3 hæðum með 10 íbúðum að Vorbraut 3.

Bæjarráð samþykkir afgreiðslu byggingarfulltrúa að veita Vorbraut 7 ehf., kt. 451223-1780, leyfi til að byggja fjölbýlishús með 10 íbúðum að Vorbraut 7.

Eftirfarandi tilboð bárust í útboðsverkið "Skógarhverfi 1. áfangi - veitulagnir og frágangur":

1. Fagurverk, kr. 94.883.500.

2. Garðyrkjuþjónustan, kr. 101.386.500.

3. Gleipnir, kr. 126.000.000.

4. Stjörnugarðar, kr. 99.897.000.

5. Sumargarðar, kr. 116.297.000.

6. Alma-verk, kr. 106.892.000.

7. Línuborun, kr. 104.837.450.

Kostnaðaráætlun var kr. 114.712.200.

Bæjarráð samþykkir að taka tilboði lægstbjóðanda Fagurverk, að fjárhæð kr. 94.883.500. Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Bæjarráð samþykkir að boðin verði út Dælustöð við Hólmatún, Álftanesi samkvæmt fyrirliggjandi gögnum. Bæjarráð felur umhverfissviði framkvæmd útboðsins.

Eftirfarandi tilboð bárust í útboðsverkið "Sorphirða hjá stofnunum Garðabæjar 2025-2029":

1. Íslenska gámafélagið ehf., kr. 77.750.800.

2. Terra umhverfisþjónusta hf., kr. 60.377.910.

3. Kubbur ehf., kr. 112.616.000.

Kostnaðaráætlun var 104.000.000.

Bæjarráð samþykkir að taka tilboði lægstbjóðanda Terra umhverfisþjónustu hf. að fjárhæð kr. 60.377.910. Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Bæjarráð samþykkir að boðnar verði út innréttingar 2. hæð-vestur í Miðgarði samkvæmt fyrirliggjandi gögnum. Bæjarráð felur umhverfissviði framkvæmd útboðsins.

Samantekt um þjónustu milliinnheimtuaðila kynnt, ásamt innsendum svörum sem bárust Garðabæ eftir fyrirspurnir til þjónustuaðila á sviðinu.

Bæjarráð samþykkir að ganga til samninga við Motus um framkvæmd milliinnheimtu fyrir Garðabæ. Bæjarráð vísar málinu til bæjarstjóra til frágangs og undirritunar samnings.

Lagt fram.

Bæjarráð samþykkir tillögu menningar- og safnanefndar um tilnefningu á bæjarlistamanni Garðabæjar árið 2025.

Tilnefningarnar verða tilkynntar á menningaruppskeruhátíð föstudaginn 23. maí 2024, kl. 17:00 í Sveinatungu.

Kynnt samstarfsverkefni lögreglunnar á höfuðborgarsvæðinu við Garðabæ og félagsmiðstöðvar Garðabæjar.