12. (834). fundur

Ingvar Arnarson, kvaddi sér hljóðs og óskaði Stjörnunni til hamingju með bikarmeistaratitilinn og KFG til hamingju með sæti í 2. deild. Þá ræddi Ingvar 6. tl., tillögu Garðabæjarlistans um víðtækara samráð og samvinnu.

Gunnar Valur Gíslason, forseti bæjarstjórnar tók undir hamingjuóskir fyrir hönd bæjarstjórnar til Stjörnunnar og KFG með frábæran árangur og glæsta sigra.

Sigurður Guðmundsson, ræddi 6. tl., tillögu Garðabæjarlistans um víðtækara samráð og samvinnu.

Fundargerðin sem er 10 tl. er samþykkt samhljóða.

Sara Dögg Svanhildardóttir, ræddi 2. tl. fjárhagsáætlun 2019 (2019-2022) forsendur og vinnuferla og lagði fram eftirfarandi bókun.

„Garðabæjarlistinn hafnar alfarið þeim vinnubrögðum meirihlutans sem viðhöfð eru við vinnu á forsendum fyrir fjárhagsáætlunar og þeim rökum um að lýðræðislegum vinnubrögðum sé fullnægt með fyrrgreindu ferli og ítrekar ósk minnihlutans um aðkomu allra bæjarfulltrúa að þeirri vinnu þ.e. að allir fulltrúar bæjarstjórnar sameinist um þær forsendur sem lagðar eru fram við gerð fjárhagsáætlunar hverju sinni.“

Almar Guðmundsson, ræddi 2. tl., fjárhagsáætlun 2019 (2019-2022) forsendur og vinnuferla og framlagða bókun.

Sara Dögg Svanhildardóttir ræddi að nýju 2. tl., fjárhagsáætlun 2019 (2019-2022) forsendur og vinnuferla og framlagða bókun.

Gunnar Einarsson, ræddi 2. tl., fjárhagsáætlun 2019 (2019-2022) forsendur og vinnuferla og framlagða bókun.

Ingvar Arnarson, ræddi 8. tl., bréf Tækniskólans um lóð fyrir nýbyggingu er hýsi starfsemi skólans.

Áslaug Hulda Jónsdóttir, ræddi 2. tl., fjárhagsáætlun 2019 (2019-2022) forsendur og vinnuferla og framlagða bókun.

Sara Dögg Svanhildardóttir, ræddi að nýju 2. tl., fjárhagsáætlun 2019 (2019-2022) forsendur og vinnuferla og framlagða bókun.

Áslaug Hulda Jónsdóttir, ræddi 2. tl., fjárhagsáætlun 2019 (2019-2022) forsendur og vinnuferla og framlagða bókun.

Gunnar Valur Gíslason, ræddi 1. tl., persónuvernd ? innleiðingu á nýrri löggjöf.

Gunnar Einarsson, ræddi að nýju 2. tl., fjárhagsáætlun 2019 (2019-2022) forsendur og vinnuferla og framlagða bókun. Þá ræddi bæjarstjóri 8. tl., bréf Tækniskólans um lóð fyrir nýbyggingu er hýsi starfsemi skólans og sagði frá viðræðum við forsvarsmenn skólans.

Sigurður Guðmundsson, ræddi að nýju 2. tl., fjárhagsáætlun 2019 (2019-2022) forsendur og vinnuferla og framlagða bókun.

Sara Dögg Svanhildardóttir, ræddi 1. tl., persónuvernd ? innleiðingu á nýrri löggjöf og 4. tl., fjárhagsáætlun Garðabæjar 2018 ? viðauka 4-7 og óskaði eftir upplýsingum um viðauka 6.

Gunnar Einarsson, bæjarstjóri ræddi 4. tl., fjárhagsáætlun 2018 viðauka 4-7 og svaraði fyrirspurn.

Afgreiðsla mála.

Bæjarstjórn samþykkir eftirfarandi viðauka nr. 4-7 við fjárhagsáætlun Garðabæjar fyrir árið 2018, samkvæmt 2. mgr. 63. gr. sveitarstjórnarlaga nr. 138/2011.

Viðauki 4

Snjómokstur kr. 25.000.000

Strætó bs. - framlag kr. 27.000.000

Staðgreiðsla útsvars (hækkun) kr. -52.000.000

Viðauki 5

HM í knattspyrnu - útsending á Garðatorgi kr. 10.700.000

Staðgreiðsla útsvars (hækkun) kr. -10.700.000

Viðauki 6

Tómstundaheimili Urriðaholtsskóla kr. 5.000.000

Urriðaholtsskóli (lækkun) kr. -5.000.000

Viðauki 7

Framlag til Hrafnistu samkvæmt samningi kr. 25.500.000

Liðveisla fatlaðs fólks kr. 30.000.000

Lengd viðvera nemenda kr. 11.000.000

Húsaleigubætur kr. 6.500.000

Framlag Jöfnunarsjóðs (hækkun) kr. -12.000.000

Staðgreiðsla útsvars (hækkun) kr. -61.000.000


Fundargerðin sem er 14 tl. er samþykkt samhljóða.

Almar Guðmundsson, ræddi 1. tl., starfsdag fjölskylduráðs og sagði frá kynningum starfsmanna á verkefnum og verksviði fjölskyldusviðs.

Fundargerðin lögð fram.

Gunnar Valur Gíslason, ræddi almennt störf menningar- og safnanefndar. Þá ræddi Gunnar Valur, 2. tl., aldarafmæli sjálfstæðis og fullveldis Íslands, 3. tl., Vídalínsviku, 4. tl. beiðni Töframáttar tónlistar um styrk og 5. tl., umsókn um styrk fyrir kvikmyndaverkefni.

Sigurður Guðmundsson, ræddi 2. tl., aldarafmæli sjálfstæðis og fullveldis Íslands og hugmynd að ljósmyndasamkeppni.

Gunnar Einarsson, upplýsti að á vegum bæjarins er hafin vinna við skráningu á ljósmyndum í eigu bæjarins í þeim tilgangi að þær geti verið aðgengilegar.

Fundargerðin lögð fram.

Sara Dögg Svanhildardóttir, ræddi 5. tl., kynningu á Urriðaholtsskóla, 3. tl., samstarf SSH um símenntun kennara grunnskóla og 1. tl., dagskrá forvarnarviku.

Björg Fenger, ræddi 1. tl., dagskrá forvarnarviku.

Fundargerðin lögð fram.

Fundargerðin lögð fram.

Guðfinnur Sigurvinsson, ræddi 9. tl., plastlaus september.

Jóna Sæmundsdóttir, ræddi 9. tl., plastlaus september, 1. tl., strætóskýli, 2. tl., grenndargáma, 3. tl., hleðslustöð fyrir rafbíla, 5. tl. mengunarmælingar, 10. tl., samgönguviku.

Ingvar Arnarson, ræddi 5. tl., mengunarmælingar 2018.

Gunnar Einarsson, ræddi 9. tl., plastlaus september. Þá sagði Gunnar frá lýðheilsugöngu á vegum bæjarins um Selgjá.

Jóna Sæmundsdóttir, ræddi 5. tl., mengunarmælingar og lýðheilsugöngu á vegum bæjarins um Selgjá.

Almar Guðmundsson, ræddi 9. tl., plastlaus september og 6. tl., lausagöngu búfjár og fjallskil.

Guðfinnur Sigurvinsson, ræddi 5. tl., mengunarmælingar.

Fundargerðin lögð fram.

Björg Fenger, ræddi 2. tl., eflingu almenningssamgangna.

Fundargerðin lögð fram.

Jóna Sæmundsdóttir, ræddi 2. tl., samning við Sorpstöð Suðurlands.

Fundargerðin lögð fram.

Gunnar Einarsson, ræddi 2. tl., greiningu á starfi SSH og landshlutasamtaka sveitarfélaga.

Sara Dögg Svanhildardóttir, ræddi 2. tl., greiningu á starfi SSH og landshlutasamtaka sveitarfélaga.

Fundargerðin lögð fram.

Fundargerðin lögð fram.

Fundargerðin lögð fram.

Björg Fenger, ræddi 7. tl., samkomulag um endurnýjun og uppbyggingu á mannvirkjum skíðasvæða höfuðborgarsvæðisins.

Fundargerðin lögð fram.

Ingvar Arnarson, kvaddi sér hljóðs og lagði fram eftirfarandi tillögu.

„Garðabæjarlistinn leggur fram tillögu til fjárhagsáætlunar þess efnis að Garðabær bjóði upp á gjaldfrjálsan tómstundaakstur fyrir börn.“

Greinargerð

Mikilvægt er að tryggja öllum börnum í Garðabæ jafnan aðgang að tómstundum sem eru í boði í bænum. Með því að hafa tómstundaakstur gjaldfrjálsan gefst börnum tækifæri á að sækja sem flestar tómstundir. Mikilvægt er í nútímasamfélagi að jafna aðgang fyrir börn að tómstundum og fækka

ferðum foreldra á einkabílum eins og kostur er. Garðabæjarlistinn telur að með þessum hætti sé hægt að koma til móts við þarfir fjölskyldna í Garðabæ.

Björg Fenger, ræddi framlagða tillögu og greindi frá skipulagi og fyrirkomulagi á tómstundakstri. Björg lagði til að vísa tillögunni til bæjarráðs.

Bæjarstjórn samþykkir að vísa tillögunni til bæjarráðs.

Valborg Ösp Árnadóttir Warén, kvaddi sér hljóðs og lagði fram eftirfarandi tillögu.

„Garðabæjarlistinn leggur til að komið verði á fót Sköpunarmiðstöð eða Menningarhúsi. Garðabæjarlistinn gerir það að tillögu sinni að nú við vinnu fjárhagsáætlunar fyrir næsta ár verði gert ráð fyrir fjármagni svo að hægt verði að hefja undirbúning fyrir byggingu húsnæðis undir starfsemina og á meðan verði fundin viðunandi aðstaða hið fyrsta.

Garðabær á að vera lifandi bær þar sem hugvit fær að blómstra og því er nauðsynlegt að viðunandi aðstaða sé í bænum þar sem ungt fólk sem og aðrir geti nýtt sér til að sinna ný ? og listsköpun.

Garðabæjarlistinn leggur til að Íþrótta-og tómstundaráð, ásamt menningarnefnd móti hugmyndir að sköpunarmiðstöðinni og njóti til þess fulltingis Ungmennaráðs Garðabæjar.“

Greinagerð.

Fjölbreyttir valkostir í tómstundastarfi ýta undir vellíðan. Til þess að sem flestir finni áhugamál við sitt hæfi er nauðsynlegt að koma á fót miðstöð eða aðstöðu fyrir list og nýsköpun hér í bæjarfélaginu.

Gunnar Valur Gíslason, ræddi skýrslu starfshóps um menningar- og fræðamiðstöð í Garðabæ sem bæjarráð skipaði 27. febrúar 2018, en starfshópurinn skilaði þann 27. apríl 2018 ítarlegri greinargerð með frumþarfagreiningu menningar- og fræðamiðstöðvar, valkostum um staðsetningu o.fl. og var skýrslan lögð fram í bæjarráði í kjölfarið þann 8. maí sl.

Gunnar Valur lagði til að vísa tillögunni til bæjarráðs.

Áslaug Hulda Jónsdóttir, ræddi framlagða tillögu

Bæjarstjórn samþykkir að vísa tillögunni til bæjarráðs.

Sara Dögg Svanhildardóttir, kvaddi sér hljóðs og lagði fram eftirfarandi tillögu.

„Garðabæjarlistinn leggur fram tillögu þess efnis að bæjarstjórn samþykki að stefna að því að stytta vinnuviku starfsmanna bæjarins.

Garðabæjarlistinn gerir það að tillögu sinni að nú við vinnu fjárhagsáætlunar fyrir næsta ár verði gert ráð fyrir fjármagni til þess að setja af stað starfshóp sem hefur það hlutverk að vinna þá undirbúningsvinnu sem þarf til þess að ná fram því markmiði að stytta vinnuviku starfsmanna bæjarins úr 40 klst vinnuviku niður í 35 klst vinnuviku eða 1 klst á hvern virkan vinnudag.

Garðabæjarlistinn leggur til að forgangsraðað verði með þeim hætti að fyrst verði horft til starfsfólks á leikskólum bæjarins þar sem farið verði í samvinnu við stjórnendur að rýna í slíkt fyrirkomulag er varðar skipulag slíkrar aðgerðar.“

Greinargerð

Starfsumhverfi leikskóla er einn af þeim vinnustöðum þar sem áreitið er mikið og álag mikið á starfsfólki. Vinnumhverfið er þess eðlis að starfsfólk er mjög bundið við það mikilvæga verkefni að sinna börnum sem liggur í hlutarins eðli að gefur lítið sem ekkert svigrúm til þess að taka hlé frá störfum í amstri dagsins líkt og við getum ímyndað okkur að starfsfólk til að mynda sem vinnur við skrifstofustorf hefur tækifæri til.

Við viljum öll búa sem allra best að börnum á leikskólaaldri og í því felst að starfsumhverfið sé aðlaðandi og eftirsóknarvert. Stytting vinnuvikunnar hefur sýnt sig á fleiri en einum stað að kalli fram meiri starfsánægju en ekki síður virðist slík aðgerð skapa stöðugleika í viðveru sem skapar um leið festu og og öryggi fyrir börn og minni kostnað við afleysingar.

Að ýta undir betri aðbúnað kvennastétta er eitt af því sem Garðabæjarlistinn leggur ríka áherslu á í stefnu sinni samhliða áherslum þess efnis að leiðrétta kjör kvennastétta. Stytting vinnuvikunnar ýtir undir betri lífsgæði með tilliti til starfsánægju sem ýtir undir betri andlega líðan.

Gunnar Einarsson, ræddi framlagða tillögu og lagði fram eftirfarandi bókun.

„Í gangi hafa verið tvö tilraunaverkefni varðandi styttingu vinnuviku opinberra starfsmanna án launaskerðingar. Annars vegar tilraunaverkefni ríkisins og BSRB sem sett var á laggirnar 2015 þegar Bjarni Benediktsson, fjármála- og efnahagsráðherra, afhenti formanni BSRB viljayfirlýsingu ríkisstjórnarinnar varðandi tilraunaverkefni um styttingu vinnuvikunnar og hins vegar tilraunaverkefni BSRB og Reykjavíkurborgar sem hófst 2015 og náði þá til tveggja starfsstöðva borgarinnar. Það tilraunaverkefni var framlengt og víkkað út 2017 og hófst annar fasi verkefnisins í febrúar 2018.

Það er markmið bæjarstjórnar Garðabæjar að samfélagið í bænum verði sífellt fjölskylduvænna. Í því skyni hefur verið unnið að því að bæta starfsaðstæður starfsfólks bæjarins og aðgerðir útfærðar til að draga úr álagi starfsfólks og auka starfsánægju.

Við, bæjarfulltrúar Sjálfstæðisflokksins, teljum einsýnt að stytting vinnuviku starfsfólks sveitarfélaga án launaskerðingar komi upp í kjaraviðræðum sveitarfélaga og viðsemjenda þeirra síðar. Við teljum því ekki tímabært að bæjarstjórn Garðabæjar samþykki einhliða að stefna að slíkum aðgerðum, eins og hér er lagt til, þar sem um hreint kjarasamningsmál er að ræða auk þess sem ekki liggja fyrir niðurstöður framangreindra tilraunaverkefna um gagnkvæman ávinning fyrir opinbert starfsfólk og viðkomandi stofnanir ríkis og sveitarfélaga.“

Almar Guðmundsson, ræddi framlagða tillögu.

Sara Dögg Svanhildardóttir, ræddi framlagða tillögu.

Guðfinnur Sigurvinsson ræddi framlagða tillögu.

Tillaga um að stefna að styttingu vinnuviku er felld með átta atkvæðum (GVG;ÁHJ,SG,AG,GE,BF,GS,JS) gegn þremur (SDS,IA,VÖÁW)