1. fundur

Tekið er fyrir mál nr. 1707104, húsnæðisáætlun Garðabæjar. Arinbjörn Vilhjálmsson, skipulagsstjóri, situr fundinn undir þessum lið.

Ráðið fjallaði að nýju um drög að húsnæðisáætlun Garðabæjar.

Arinbjörn Vilhjálmsson skipulagsstjóri fór yfir stöðu mála á helstu uppbyggingarsvæðum Garðabæjar á næstu árum. Þar er um að ræða Urriðaholt, Lyngás/Stóras, miðsvæði Álftaness og Hnoðraholt/Vetrarmýri.

Ljóst er að fyrirliggjandi áætlanir uppbyggingar nægja, og gott betur, til að mæta þeirri þörf sem verður fyrir íbúðir í Garðabæ á næstu árum. Á þetta við hvort sem litið er til heildarfjölda íbúða eða mismunandi íbúðartegunda.

Samþykkt var að afgreiða áætlunina í núverandi mynd frá ráðinu til meðferðar í bæjarráði og bæjarstjórn. Fjölskylduráð mun fjalla um áætlunina aftur verði breytingar gerðar á henni í meðförum bæjarráðs og bæjarstjórnar.

Tekið er fyrir mál nr.1812252, umsókn um fjárhagsaðstoð. Fjölskylduráð fjallar um málið. Nánar er bókað um málið í trúnaðarmálahluta fundargerðar.

Tekið er fyrir mál nr.1901160, umsókn um fjárhagsaðstoð. Fjölskylduráð fjallar um málið. Nánar er bókað um málið í trúnaðarmálahluta fundargerðar.

Tekið er fyrir mál nr.1901050, umsókn um fjárhagsaðstoð. Fjölskylduráð fjallar um málið. Nánar er bókað um málið í trúnaðarmálahluta fundargerðar.

Tekið er fyrir mál nr.1812186, umsókn um fjárhagsaðstoð. Fjölskylduráð fjallar um málið. Nánar er bókað um málið í trúnaðarmálahluta fundargerðar.

Tekið er fyrir mál nr. 1812088, öldungaráð.

Samkvæmt 2. mgr. 38. gr. laga nr. 40/1991 um félagsþjónustu sveitarfélaga m.s.b., eiga sveitarfélög að skipa öldungaráð sem er samráðsvettvangur innan sveitarfélagsins þar sem fjallað skal um þjónustu við aldraða og framkvæmd öldrunarmála. Áður var í lögunum heimildarákvæði til að skipa sérstakt öldungamálaráð. Garðabær hafði ekki nýtt sér þá heimild en á síðasta kjörtímabili var starfrækt nefnd um málefni eldri borgara. Sú nefnd var lögð niður við upphaf kjörtímabils 2018 -2022. Sum verkefni þeirrar nefnda geta eftir atvikum fallið undir verksvið öldungaráðs en mörg önnur verkefni nefndarinnar verða á borði annarra nefnda s.s. fjölskylduráðs og íþrótta- og tómstundaráðs. Öldungaráð tekur við hlutverki þjónustuhóps aldraðra sem starfaði samkvæmt lögum um málefni aldraðra.

Í öldungaráði sitja þrír fulltrúar kosnir af sveitarstjórn og þrír fulltrúar tilnefndir af félagi eldri borgara, auk eins fulltrúa frá heilsugæslunni.

Tekið er fyrir mál nr. 1812089 Samráðshópur um málefni fatlaðs fólks.

Samkvæmt 2. mgr. 42. gr. laga nr. 40/1991, um félagsþjónustu sveitarfélaga m.s.b. eiga sveitarfélög að skipa samráðshóp um málefni fatlaðs fólks sem er samráðsvettvangur innan sveitarfélagsins þar sem fjallað skal um þjónustu við við fatlað fólk og framkvæmd og þróun þjónustunnar. Í samráðshópnum sitja þrír fulltrúar kosnir af sveitarstjórn og þrír fulltrúar tilnefndir af hagsmunasamtökum fatlaðs fólks.

Tekið er fyrir mál nr. 1901223 beiðni um endurnýjun leyfis fyrir stuðningsfjölskyldu. Fjölskylduráð fjallar um málið. Nánari bókun er í trúnaðarmálahluta fundargerðar.

Tekið er fyrir mál nr. 1810028, tillaga um eflingu lýðræðislegra vinnubragða. Bæjarráð samþykkir að vísa minnisblaðinu til umfjöllunar fjölskylduráðs.

Ráðið fjallaði um minnisblað vegna lýðræðisverkefna í Garðabæ.

Ráðið lýsir yfir ánægju sinni með undirbúning málsins og telur mikilvægt að koma verkefninu af stað á þessu ári. Þá samþykkti ráðið að vinna að endurnýjun á lýðræðisstefnu Garðabæjar, sem samþykkt var árið 2010, og er stefnt að því að klára þá vinnu fyrir haustið. Samþykkt að kalla eftir hugmyndum annarra fastanefnda bæjarins um þau áhersluatriði kosninga. Málið verður tekið fyrir að nýju á næsta fundi ráðsins.