Tilkynning frá Heilsugæslu Garðabæjar um tilnefningu á nýjum fulltrúa i öldungaráð.

Lögð fram tilkynning frá Heilsugæslu Garðabæjar þar sem fram kemur að Margrét Björnsdóttir, hjúkrunarfræðingur hefur verið tilnefnd sem fulltrúi í öldungaráð í stað Guðlínar Jónu Ómarsdóttur.

Bæjarráð samþykkir erindisbréf fyrir öldungaráð og felur bæjarstjóra að hlutast til um að kalla ráðið saman til fyrsta fundar.

Fylgiskjöl

• Drög að erindisbréfi vegna Öldungarráðs Garðabæjar

Drög að erindisbréfi lagt fyrir Fjölskylduráð til kynningar.

Lagt er fyrir fjölskylduráð mál nr. 1812088 um skipan Öldungaráðs í Garðabæ. Drög að erindsbréfi er lagt fram til kynningar og umræðu.

Tekið er fyrir mál nr. 1812088, öldungaráð.
Samkvæmt 2. mgr. 38. gr. laga nr. 40/1991 um félagsþjónustu sveitarfélaga m.s.b., eiga sveitarfélög að skipa öldungaráð sem er samráðsvettvangur innan sveitarfélagsins þar sem fjallað skal um þjónustu við aldraða og framkvæmd öldrunarmála. Áður var í lögunum heimildarákvæði til að skipa sérstakt öldungamálaráð. Garðabær hafði ekki nýtt sér þá heimild en á síðasta kjörtímabili var starfrækt nefnd um málefni eldri borgara. Sú nefnd var lögð niður við upphaf kjörtímabils 2018 -2022. Sum verkefni þeirrar nefnda geta eftir atvikum fallið undir verksvið öldungaráðs en mörg önnur verkefni nefndarinnar verða á borði annarra nefnda s.s. fjölskylduráðs og íþrótta- og tómstundaráðs. Öldungaráð tekur við hlutverki þjónustuhóps aldraðra sem starfaði samkvæmt lögum um málefni aldraðra.
Í öldungaráði sitja þrír fulltrúar kosnir af sveitarstjórn og þrír fulltrúar tilnefndir af félagi eldri borgara, auk eins fulltrúa frá heilsugæslunni.

Bæjarstjórn samþykkir að skipa eftirfarandi einstaklinga í öldungaráð Garðabæjar. Öldungaráð er skipað samkvæmt 2. mgr. 38. gr. laga um félagsþjónustu sveitarfélaga nr. 40/1991, sbr. 8. gr. laga nr. 37/2018.

Almar Guðmundsson, Stekkjarflöt 15.
Bergljót Sigurbjörnsdóttir, Sjávargrund 13B.
Anna Guðrún Hugadóttir, Kirkjulundi 14.
Stefanía Magnúsdóttir, Garðatorgi 7, tilnefnd af Félagi eldri borgara í Garðabæ.
Ástbjörn Egilsson, Löngulínu 12, tilnefndur af Félagi eldri borgara í Garðabæ.
Ólafur Proppé, Vesturbæ, tilnefndur af Félagi eldri borgara á Álftanesi.