37. fundur

Linda Udengård gerir grein fyrir tillögu að viðurkenningum fyrir skóla og frístundastarf í Garðabæ.

Linda Udengård Sviðsstjóri fræðslu- og frístundasviðs gerði grein fyrir tillögu að viðurkenningum fyrir skóla og frístundastarf í Garðabæ.

ÍTG fagnar tillögunni og bendir á mikilvægi þess að börn og ungmenni komi að vali eða tillögugerð í anda barnvæns samfélags, þar sem þau eru umfjöllunarefni í þessum viðurkenningum.

Skýrsla um nýtingu hvatapeninga árið 2024 kynnt.

Skýrsla um nýtingu hvatapeninga árið 2024 var kynnt.

Alls áttu 3886 börn rétt á að nýta sér hvatapeninga árið 2024. Heildarúthlutun ársins 2024 var 163.310.454,- kr. borið saman við 153.772.649,- kr. árið áður.

3020 börn af 3886 börnum sem rétt höfðu á hvatapeningum nýttu sér rétt sinn til hvatapeninga að einhverju leiti árið 2024, eða 77,7% en þau nýttu 76% af sínum rétti til hvatapeninga á árinu.

Greiðslur til félag innan Garðabæjar voru kr. 120.853.806,- (74% af heildargreiðslunum). Hjá Stjörnunni voru nýttar kr. 92.563.384,- (76,6%) eða 56,7% af heildinni og UMFÁ fékk kr. 8.188.331,- (6,8%) eða 5% af heildinni.

Meðaltalsnýting hvatapeninga allra árganga samanlagt var 77%, en 75% árið 2023.

Alls nýttu 24 einstaklingar á aldrinum 5-17 ára 15.000,- kr. viðbótar hvatapeninga, kr. 360.000,- heildar upphæð, sem stóð tekjulægri heimilum til boða.

Til að mæta útgjöldum vegna nauðsynlegrar stækkunar aðstöðunnar óskar stjórnin eftir styrk að fjárhæð 1 mkr. til kaupa á búnaði fyrir hina nýju bása ss. spjöldum, ljósum fyrir spjöldin og spjaldtölvum. Styrkurinn yrði einnig notaður til að koma upp einum sérsmíðuðum bás sem hentar þeim sem eru bundnir við hjólastól

ÍTG samþykkir að styrkja Pílufélag Garðabæjar til aðstöðusköpunar í Miðgarði um kr. 750.000,- með sérstakri áherslu á að tryggja aðstöðu fólks með mismunandi fatlanir svo sem vegna hjólastóla. ÍTG leggur áherslu á að Pílufélagið skapi góða íþrótta-umgjörð sem þjóni markmiðum í lýðheilsu- og forvarnastefnu bæjarins.

Borist hefur ályktun frá Félagi íþrótta-, æskulýðs- og tómstundafulltrúa sveitarfélaga um áfengisveitingar á íþróttaviðburðum:

"Félag íþrótta-, æskulýðs- og tómstundafulltrúa á Íslandi (FÍÆT) lýsir yfir þungum áhyggjum vegna áfengissölu á íþróttaviðburðum á Íslandi. Íþróttastarf á Íslandi er mikilvægur og öflugur vettvangur heilsueflingar, forvarna og félagslegs þroska, sérstaklega meðal barna og ungmenna.

FÍÆT telur að sala á áfengi á íþróttaviðburðum gangi þvert gegn tilgangi íþrótta og sendi röng skilaboð um tilgang íþróttastarfseminnar, sérstaklega til barna og ungmenna."

Ályktun frá Félagi íþrótta-, æskulýðs og tómstundafulltrúa sveitarfélaga um áfengisveitingar á íþróttaviðburðum lögð fram og kynnt. Í ályktuninni lýsir félagið yfir áhyggjum vegna áfengissölu á íþróttaviðburðum á Íslandi. Íþrótta- og tómstundaráð beinir því til félaga í Garðabæ að huga að þessum málum, virða reglur bæjarins um áfengi í íþróttamannvirkjum, gæta að öryggi barna og ungmenna og standa vörð um forvarnargildi íþróttahreyfingarinnar. Engar áfengsveitingar eru leyfilegar í íþróttamannvirkjum eða á áhorfendasvæðum í eigu Garðabæjar, nema í afmörkuðum rýmum samkvæmt tilskildum leyfum. Ráðið hvetur til upplýstrar og ábyrgrar umræðu um áfengismál í samfélaginu.

ÍTG tekur undir með FÍÆT varðandi mikilvægi íþróttastarfs á Íslandi og þeim öfluga vettvangi sem það er til heilsueflingar, forvarna og félagslegs þroska, sérstaklega meðal barna og ungmenna.

Ráðningar forstöðumanna í Ásgarð og Breiðumýri

Kristján Hilmarsson hættir 31. mars nk. eftir 21 ár í starfi hjá Garðabæ. Hann hefur undanfarin 5 ár verið forstöðumaður í Ásgarði, Breiðumýri á Álftanesi, íþrh. Sjálandsskóla og í Mýrinni.

Íris Svavarsdóttir hefur verið ráðin í Ásgarð og hóf hún störf 12. mars sl.

Ólafur Ólafsson hefur verið ráðinn við íþróttamiðstöðina Breiðumýri og hefur störf þar 15. maí nk.

Íþrótta-, tómstunda- og forvarnafulltrúi sagði frá ráðningu forstöðumanna í Ásgarð og Breiðumýri á Álftanesi. Kristján Hilmarsson hættir 31. mars nk. eftir 22 ár í starfi hjá Garðabæ. Hann hefur undanfarin 5 ár verið forstöðumaður í Ásgarði, Breiðumýri á Álftanesi, íþrh. Sjálandsskóla og í Mýrinni. ÍTG þakkar Kristjáni vel unnin störf og óskar honum velfarnaðar.

Íris Svavarsdóttir íþróttafræðingur hefur verið ráðin í Ásgarð og hóf hún störf 12. mars sl. Íris er upp alin í fimleikadeild Stjörnunnar, hefur starfað við verkefnastjórnun hjá FSÍ og kópavogsbæ auk kennslu og þjálfunar.

Ólafur Ólafsson hefur verið ráðinn við íþróttamiðstöðina Breiðumýri á Álftanesi og hefur störf þar 15. maí nk. Hann er íþróttakennari og íþróttafræðingur að mennt og er starfandi íþrótta- og tómstundafulltrúi á Grundarfirði, var áður íþróttastjóri hjá Víkingi í Rvk. Hann hefur verið íþróttakennari og knattspyrnuþjálfari.

ÍTG býður þau Írisi og Ólaf velkomin til starfa.

Ferðastyrkur til Evu Bjarkeyjar Þorsteinsdóttur vegna EM í hópfimleikum í Baku, Azerbajan október 2024.

ÍTG samþykkir ferðastyrk að upphæð kr. 20.000,- til Evu Bjarkeyjar Þorsteinsdóttur vegna EM í hópfimleikum í Baku, Azerbajan október 2024.