31. fundur

Skólanámskrá Lundabóls ásamt umsögn foreldraráðs

Skólanámskrá Lundabóls lögð fram ásamt umsögn foreldraráðs. Einkunnarorð Lundabóls eru Hjarta, hugur og hönd og eru börnin miðpunktur starfsins. Skólanámskráin endurspeglar vel þær áherslur sem starf Lundabóls byggir á.

Skólanámskrá Sjálands ásamt umsögn foreldraráðs

Skólanámskrá Sjálands lögð fram ásamt umsögn foreldraráðs. Í henni eru skilgreindir þeir verkferlar sem unnið er eftir í skólanum sem byggir starf sitt á fjölvísisstefnu í anda fjölgreindarkenningu Gardner.

Niðurstöður könnunar á viðhorfum foreldra barna hjá dagforeldrum í Garðabæ

Farið yfir niðurstöður árlegrar könnunar á viðhorfum foreldra sem eru með börn hjá dagforeldrum. Almenn ánægja ríkir um störf dagforeldra í Garðabæ. Helst má bæta upplýsingar til foreldra um mataræði barnanna. Nefndin fagnar að öðru leyti niðurstöðum könnunarinnar sem sýnir mikilvægi þjónustu dagforeldra í bæjarfélaginu.

Erindi vísað frá bæjarráði

Skýrsla Gunnlaugs Sigurðssonar og Þorsteins Þorsteinssonar um viðræður um hvort og með hvaða hætti Garaðbær taki að sér rekstur Fjölbrautarskólans í Garðabæ lögð fram og rædd. Rætt var um fljótandi skil milli leikskóla og grunnskóla og samfellu í námi barna óháð skólastigum.

Yfirlit yfir stefnumótun nefndarinnar

Formaður fór yfir helstu atriði í stefnumótun nefndarinnar á kjörtímabilinu. Frá árinu 2010 hefur börnum í Garðabæ á leikskólaaldri fjölgað um 130 auk 172 barna á Álftanesi eða um rúmlega 300. Opnaður hefur verið nýr leikskóli í Akrahverfinu, leikskóladeild hefur tekið til starfa í Sjálandsskóla og í Flataskóla og Litlu Ásar hafa flutt í nýtt húsnæði. Einnig hefur verið hafinn undirbúningur að stækkun Litlu Ása og Lundabóls auk undirbúnings að nýjum samreknum leik- og grunnskóla í Urriðaholti. Formaður þakkaði nefndarmönnum gott starf og góða samvinnu.

Rætt um með hvaða hætti foreldra komi að starfi leikskóla svo sem með foreldraframlagi eða í afleysingar. Leikskólafulltrúa falið að móta verklagsreglur í samráði við leikskólastjóra.