30. fundur

Skólanámskrá Krakkakots og umsögn foreldraráðs

Skólanámskrá náttúruleikskólans Krakkakots lögð fram ásamt umsögn foreldraráðs. Krakkakot leggur áherslu á að kynna náttúruna fyrir börnum og umhirðu dýra. Uppeldisstefnan Uppeldi til ábyrgðar er lögð til grundvallar með áherslu á jákvæð samskipti og gagnkvæma virðingu. Skólanámskráin lýsir vel því góða starfi sem fram fer í Krakkakoti.

Umsögn foreldraráðs með skólanámskrá Ása

Umsögn foreldraráðs Ása um skólanámskrá leikskólans lögð fram. Telur foreldraráðið námskránna endurspegla vel þær áherslur sem lagðar eru í skólastarfi leikskólans og gefur skýra mynd af þeirri starfsemi sem þar fer fram.

Skólanámskrá Akra og umsögn foreldraráðs

Skólanámskrá Akra ásamt umsögn foreldraráðs lögð fram og rædd. Á Ökrum eru gildin Virkni og vellíðan lögð til grundvallar. Leikskólinn hefur nú starfað í rúm tvö ár og hefur mótað sér stefnu í starfsháttum sem skólanámskráin endurspeglar vel. Starfshættirnir endurspegla hugmyndir um að börn læri með því að framkvæma í jákvæðum samskiptum í anda uppbyggingarstefnunnar. Skólanámskráin gerir starfsemi leikskólans góð skil og er vel sett fram.

Drög að skólastefnu Garðabæjar

Drög að skólastefnu Garðabæjar lögð fram og rædd. Engar athugasemdir voru gerðar við það sem snýr að leikskólastiginu.

Staða biðlista og úrræði

Rætt var um stöðu biðlistans og þau úrræði sem gripið verður til á næstu mánuðum. Viðbygging verður gerð við Litlu Ása á Vífilstöðum sem mun rúma yngstu börnin á biðlistanum.

Umsókn um framhaldsleyfi lagt fram.

Svava Bjarnadóttir kt. 210564-3479 fær leyfi til gæslu 5 barna til þriggja ára með fyrirvara um að öll gögn berist.

Umsókn um leyfi til gæslu eins barns í fjóra mánuði.

Ásdís Garðarsdóttir kt. 280157-7169 fær leyfi til gæslu eins barns í fjóra mánuði.

Rætt um þingsályktunartillögu um leikskóla að loknu fæðingarorlofi. Mennta- og menningarmálaráðherra var falið að skipa nefnd með þátttöku sveitarfélaganna, sérfræðinga og hagsmunaaðila sem geri tillögu að áætlun um hvernig sveitarfélögin standi að því að bjóða leikskólaúrræði strax og fæðingarorlofi lýkur. Miðað er við að þegar fæðingarorlof hefur verið lengt í 12 mánuði árið 2016 verði sveitarfélög um landið reiðubúin að veita þjónustuna.