Afgreiðsla skipulagsnefndar um tillögu að breytingu á deiliskipulagi Flata vegna lóðarinnar við Hagaflöt 18.

Bæjarráð samþykkir með vísan til 3. ml. 3. mgr. 41. gr. skipulagslaga nr. 123/2010 að tillaga að breytingu á deiliskipulagi Flata vegna lóðarinnar við Hagaflöt 18 verði send til meðferðar Skipulagsstofnunar enda voru ekki gerðar neinar athugasemdir við tillöguna í grenndarkynningu.

Lögð fram tillaga að óverulegri breytingu á deiliskipulagi Flata að lokinni grenndarkynningu. Engar athugasemdir bárust. Breyting skoðast því samþykkt sbr. 3.mgr.41.gr.Skipulagslaga nr.123/2010.

Bæjarráð samþykkir tillögu skipulagsnefndar um að fram fari grenndarkynning samkvæmt 2. mgr. 44. gr. skipulagslaga nr. 123/2010, sbr. 2. mgr. 43. gr. sömu laga vegna óverulegrar breytingar á deiliskipulagi Flata er varðar lóðina nr. 18 við Hagaflöt.

Lögð fram fyrirspurn um hvort tillaga um stækkun húss sé í samræmi við deiliskipulag.
Í tillögunni er gert ráð fyrir að rými sem áður hefur verið opið að götu verði lokað og nýtt fyrir bílageymslu. Þar sem að ákvæði í skilmálum um lengd bílageymslu að lóðarmörkum er 7,5 m telur skipulagsnefnd að grenndarkynna skuli tillöguna. Skipulagsnefnd heimilar grenndarkynningu tillögunnar. Grenndarkynna skal eigendum Hagaflatar 16 og 20 og Lindarflatar 36.