11. fundur

Lögð fram umsókn um byggingarleyfi fyrir ýmsum breytingum á íbúðarhúsinu innanhúss sem utan. Breytingartillögurnar eru í samræmi við deiliskipulag Arnarness. Þar sem að deiliskipulagið hefur verið fellt úr gildi og því um gróið hverfi án deiliskipulags að ræða vísar skipulagsnefnd umsókninni til grenndarkynningar í samræmi við 1.mgr.44.gr. Skipulagslaga nr 123/2010.

Grenndarkynna skal eigendum Þernuness 3, Súluness 5,7, 9 og 17.

Lögð fram umsókn um byggingarleyfi fyrir breytingu á bílageymslu sem gerir ráð fyrir því að gólf verði lækkað um 1 m og að bílastæði framan við bílageymslu breytist í ramp frá lóðarmörkum. Skipulagsnefnd bendir á að samkvæmt samþykktu deiliskipulagi Arnarness sem fellt hefur verið úr gildi eru akstursniðurkeyrslur (skábrautir) óheimilaðar. Þar sem að hæðarmunur er innan við einn metri frá lóðarmörkum að bílageymsludyrum og dæmi eru um svipaðar útfærslur í Arnarnesi telur nefndin að um óverulega breytingu frá samþykktu deiliskipulagi sé að ræða. Skipulagsnefnd vísar byggingarleyfisumsókn til grenndarkynningar samkvæmt 1.mgr.44.gr.Skipulagslaga nr.123/2010.

Lögð fram fyrirspurn um það hvort heimilað verði að reisa 200 m2 geymslu neðanjarðar ofan við húsið með aðkomurampi við vesturhlið hússins. Vísað til skoðunar hjá tækni- og umhverfissviði. Baldur Ó. Svavarsson vék að fundi undir þessum lið.

Lögð fram umsókn um byggingarleyfi sem gerir ráð fyrir því að bílageymsla verði stækkuð sem nemur skyggni framan við núverandi bílageymslu. Skipulagsnefnd fellir niður grenndarkynningu með vísan í 3.mgr. 44.gr. Skipulagslaga þar sem að framkvæmdin varðar ekki hagsmuni annarra en sveitarfélagsins og umsækjanda. Breytingin er í samræmi við samþykkt deiliskipulag.

Guðrún Dóra Brynjólfsdóttir vék af fundi undir þessum lið.

Lögð fram umsókn um byggingarleyfi að lokinni grenndarkynningu samkvæmt 44.gr. Skipulagslaga nr 123/2010. Engar athugasemdir bárust. Skipulagsnefnd gerir ekki athugasemd við að byggingarleyfi verði veitt.

Lögð fram umsókn um byggingarleyfi að lokinni grenndarkynningu samkvæmt 44.gr. Skipulagslaga nr 123/2010. Engar athugasemdir bárust. Skipulagsnefnd gerir ekki athugasemd við að byggingarleyfi verði veitt.

Lögð fram tillaga að óverulegri breytingu á deiliskipulagi Flata að lokinni grenndarkynningu. Engar athugasemdir bárust. Breyting skoðast því samþykkt sbr. 3.mgr.41.gr.Skipulagslaga nr.123/2010.

Lögð fram tillaga að óverulegri breytingu á deiliskipulagi Flata að lokinni grenndarkynningu. Engar athugasemdir bárust. Breyting skoðast því samþykkt sbr. 3.mgr.41.gr.Skipulagslaga nr.123/2010.

Lögð fram umsókn um byggingarleyfi fyrir staðsetningu skiltis við innakstur að lóðinni Miðhraun 4. Ekki eru ákvæði til staðar í deiliskipulagi Molduhrauns um skilti en skipulagsnefnd telur að stærð skiltisins og staðsetning samkvæmt framlagðri tillögu geti dregið úr umferðaröryggi við innkeyrslu inn á lóðina auk þess sem það er óþarflega umfangsmikið og til lýta fyrir götumyndina.

Skipulagstjóra falið að undirbúa málslið á næsta fundi nefndarinnar þar sem skiltamál verða rædd.

Lögð fram tillaga að óverulegri breytingu á deiliskipulagi Kauptúns að lokinni grenndarkynningu. Engar athugasemdir bárust. Breyting skoðast því samþykkt sbr. 3.mgr.41.gr.Skipulagslaga nr.123/2010.

Lögð fram tillaga að óverulegri breytingu á deiliskiplagi Norðurhluta Urriðaholts 2.áfanga sem gerir ráð fyrri stækkunum á byggingarreitum efstu hæðar. Grenndarkynning hefur farið fram og engar athugasemdir bárust og jákvæð umsögn liggur fyrir. Breyting skoðast því samþykkt sbr. 3.mgr.41.gr.Skipulagslaga nr.123/2010.

Lögð fram umsögn Urriðaholts og deiliskipulagshöfundar vegna tillögu að breytingu deiliskipulags Norðurhluta 2.áfanga. Í umsög kemur fram að erfitt sé að taka afstöðu til hvort krafa um fjölda bílastæða á lóð sé fullnægt þar sem hvorki er látin fylgja með afstöðumynd eða grunnmynd.

Skipulagsnefnd vísar málinu til umsækjanda að betur sé gerð grein fyrir tillögunni þannig að deiliskipulagshöfundar og Urriðaholt ehf geti veitt fullnægjandi umsögn.

Lögð fram tillaga að breytingu deiliskipulags viðskiptstrætis í Urriðaholti sem gerir ráð fyrir því að á efri hæðum verði heimilaðar íbúðir auk atvinnuhúsnæðis. Áfram verði eingöngu gert ráð fyrir atvinnuhúsnæði á jarðhæð. Heimilað verði allt að 36 smáíbúðir og gert verði ráð fyrir einu bílastæði á hverja íbúð. Sett eru ákvæði um eitt eignarhald alls húsnæðis í byggingunni.

Skipulagsnefnd vísar tillögunni í kynningu samkvæmt 1.mgr.41.gr.Skipulagslaga nr.123/2010.

Skipulagsstjóri gerir grein fyrir athugun á skipulagsforsendum hugsanlegs framkvæmdaleyfis fyrir endurbótum gatnamóta Hafnarfjarðarvegar og Vífilsstaðavegar í plani. Niðurstaða athugunar þar sem m.a. var haft samráð við Skipulagsstofnun er framkvæmdaleyfi verði ekki veitt nema á grundvelli aðalskipulags og deiliskipulags og að samráð verði haft við svæðisskipulagsnefnd. Því þarf að leggja fram tillögu að breytingu á aðalskipulagi sem gerir ekki ráð fyrir mislægum gatnamótum á þessum stað. Ákvæði þarf að setja í aðalskipulag um að útfærsla gatnamótanna útiloki ekki að í framtíðinni verði hægt að breyta gatnamótunum í mislæg gatnamót með lokaðan stokk að Lyngási. Vinna skal tillögu að deiliskipulagi Hafnarfjarðarvegar frá bæjarmörkum í Engidal að bæjarmörkum á Arnarneshálsi. Tillögurnar verði kynntar samhliða.

Lagt fram erindi frá skipulasgstjóra Kópavogs þar sem athygli er vakin á breytingu á aðalskipulagi Kópavogs sem gerir ráð fyrir því að íbúðum í Smáranum vestan Reykjanesbrautar fjölgi úr 500 í 620. Fram kemur í minnisblaði VSÓ að breytingin hafi óveruleg áhrif á umferð í kringum skulagssvæðið.

Skipulagsnefnd telur ekki ástæðu til að gera athugasemd við tillöguna.

Erindið lagt fram til kynningar í skipulasgnefnd að tillögu bæjarráðs.