Súlunes 10 - Viðbygging neðan jarðar

Afgreiðsla mála.
Bæjarstjórn samþykkir með níu atkvæðum tillögu skipulagsnefndar að leyfa útgáfu byggingarleyfis samkvæmt 1. mgr. 44. gr. skipulagslaga nr. 123/2010 vegna viðbyggingar og breytinga á einbýlishúsinu við Súlunes 10. Grenndarkynning hefur farið fram samkvæmt 2. mgr. sömu greinar og bárust engar athugasemdir. María Grétarsdóttir situr hjá við afgreiðslu málsins.

Baldur Ó Svavarsson, vék sæti við afgreiðslu málsins.

Bæjarráð samþykkir að leggja til við bæjarstjórn að samþykkja tillögu skipulagsnefndar að leyfa útgáfu byggingarleyfis samkvæmt 1. mgr. 44. gr. skipulagslaga nr. 123/2010 vegna viðbyggingar og breytinga á einbýlishúsinu við Súlunes 10. Grenndarkynning hefur farið fram samkvæmt 2. mgr. sömu greinar og bárust engar athugasemdir.

Lögð fram byggingaleyfisumsókn að lokinni grenndarkynningu. Engar athugasemdir hafa verið gerðar við byggingarleyfisumsóknina.
Skipulagsnefnd gerir ekki athugasemd við að byggingarleyfi verði veitt.

Bæjarstjórn samþykkir tillögu skipulagsnefndar að umsókn um byggingarleyfi við núverandi hús við Súlunes 10 verði grenndarkynnt samkvæmt 1. mgr. 44. gr. skipulagslaga nr. 123/2010.

Bæjarráð samþykkir að leggja til við bæjarstjórn að samþykkja tillögu skipulagsnefndar að umsókn um byggingarleyfi við núverandi hús við Súlunes 10 verði grenndarkynnt samkvæmt 1. mgr. 44. gr. skipulagslaga nr. 123/2010.

Lögð fram tillaga að breytingu á einbýlishúsinu sem gerir ráð fyrir niðurgröfnu rými á baklóð og aðkomu frá framlóð vestan við húsið. Aðkomu að viðbyggingu hefur verið breytt og er hún nú frá bílastæðum. Samþykki nágranna fyrir tillögunni liggur fyrir. Skipulagsnefnd vísar tillögunni til grenndarkynningar sem byggingarleyfisumsókn á svæði án deiliskipulags sbr. 1.mgr. 44.gr. Skipulagslaga nr.123/2010. Grenndarkynna skal íbúum og eigendum að Súlunesi 3, 5, 8 og 12 sem og Teistunesi 1.

Bæjarstjórn samþykkir tillögu skipulagsnefndar að umsókn um byggingarleyfi við núverandi hús að Súlunesi 10 verði grenndarkynnt samkvæmt 1. mgr. 44. gr. skipulagslaga nr. 123/2010 þar sem deiliskipulag liggur ekki fyrir.

Bæjarráð samþykkir að leggja til við bæjarstjórn að samþykkja tillögu skipulagsnefndar um að umsókn um byggingarleyfi við núverandi hús að Súlunesi 10 verði grenndarkynnt samkvæmt 1. mgr. 44. gr. skipulagslaga nr. 123/2010 þar sem deiliskipulag liggur ekki fyrir.

Lögð fram tillaga að byggingarleyfisumsókn sem gerir ráð fyrir niðurgrafinni viðbyggingu sunnan íbúðarhússins að hluta til utan byggingarreits. Viðbyggingin er 200 m2 að grunnfleti. Húsið er 375 m2 að grunnfleti og yrði því eftir stækkun 575 m2. Lóðin er 1.800 m2 að stærð og yrði nýtingarhlutfall lóðar því 0,32 en samkvæmt samþykktu deiliskipulagi er hámarks nýtingarhlutfall 0,45.
Akstursniðurkeyrslur eru samkvæmt grein 4.6. óheimilar. Skipulagsnefnd gerir ekki athugasemd við niðurgrafið rými en hafnar tillögu að akstursniðurkeyrslu að rýminu. Skipulagsnefnd vísar tillögu að niðurgröfnu rými til grenndarkynningar.

Lögð fram fyrirspurn um það hvort heimilað verði að reisa 200 m2 geymslu neðanjarðar ofan við húsið með aðkomurampi við vesturhlið hússins. Vísað til skoðunar hjá tækni- og umhverfissviði. Baldur Ó. Svavarsson vék að fundi undir þessum lið.