2. fundur

Lagt fram erindi Skipulagsstofnunar vegna tillögu að breytingu deiliskipulags Ásgarðs. Athugasemdir voru gerðar við framsetningu tillögunnar og hafa þær nú verið leiðréttar. Skipualgsstjóri gerði grein fyrir fundum tækni og umhverfissviðs, formanns skipulagsnefndar og bæjarstjóra með íbúum við Stekkjarflöt en í ljós hefur komið að kynning tillögnnar fór fram hjá íbúum. Leitað hefur verið leiða til þess að draga úr áhrifum ljóskastara og færslu göngustígs á aðliggjandi byggð.

Lögð fram ósk lóðarhafa að Hörgatúni 2 um að fá að hefja vinnu við gerð deiliskipulagsbreytingar á lóðinni sem miði að uppbyggingu íbúðarhúsnæðis á lóðinni í samræmi við ákvæði aðalskipulags um miðbæjarsvæðis á staðnum. Skipulagsnefnd gerir ekki athugasemd við að bæjarstjórn veiti lóðarhafa leyfi til að hefja vinnu við gerð deiliskipulags þegar lögð hefur verið fram verkefnislýsing í samræmi við 40.gr.Skipulagslaga.

Lögð fram til kynningar fyrirspurn lóðarhafa, Regins hf um tillögu að fjölbýlishús að Garðatorg 1.

Lögð fram tillaga að breytingu á einbýlishúsinu sem gerir ráð fyrir niðurgröfnu rými á baklóð og aðkomu frá framlóð vestan við húsið. Aðkomu að viðbyggingu hefur verið breytt og er hún nú frá bílastæðum. Samþykki nágranna fyrir tillögunni liggur fyrir. Skipulagsnefnd vísar tillögunni til grenndarkynningar sem byggingarleyfisumsókn á svæði án deiliskipulags sbr. 1.mgr. 44.gr. Skipulagslaga nr.123/2010. Grenndarkynna skal íbúum og eigendum að Súlunesi 3, 5, 8 og 12 sem og Teistunesi 1.

Lögð fram fyrirspurn öðru sinni um viðbyggingu og lóðarstækkun einbýlishússhússins að Hvannalundi 17.

Skipulagsnefnd telur að tillagan sé róttæk hvað varðar yfirbragð og skipulag húsa í Lundahverfi sem snúa að Vífilsstaðavegi. Svar nefndarinnar er því neikvætt.

Lögð fram umsókn um breytingu á deiliskipulagi Flata sem gerir ráð fyrir lítilli viðbyggingu,anddyri, á framlóð utan byggingreits.

Skipulagsnefnd metur tillöguna sem óverulega breytingu á deiliskipulagi Flata skv 2.mgr. 43.gr. Skipulagslaga nr.123/2010 og vísar henni til grenndarkynningar sbr. 44.gr. sömu laga. Grenndarkynna skal eigendum og íbúum að Sunnuflöt 17, 19, 20, 21 og 24.

Lögð fram öðru sinni fyrirspurn um hugmynd að breytingum á húsin Breiðás 11. Skipulagsnefnd telur að breytingar séu í samræmi við deiliskipulag Ása og Grunda en mælir með því að samþykki nágranna fyrir sólskála ofan á bílageymslu liggi fyrir.

Lögð fram til kynningar tillaga að keppnislýsingu sem dómnefnd í samkeppni um deiliskipulag Miðsvæðis á Álftanesi hefur samþykkt. Skipulagsnefnd vísar tillögunni til kynningar í bæjarráði.

Lögð fram drög að endurskoðaðri umhverfisstefnu Garðabæjar. Skipulagsnefnd gerir ekki athugasemd við drögin.

Skipulagsstjóri gerir grein fyrir tillögum svæðisskipulagsnefndar um breytingar á svæðisskipulagi og breytingar á aðalskipulagi sveitarfélaga á höfuðborgarsvæðinu vegna uppbyggingar fyrirhugaðs hágæða almenningssamgöngukerfis (Borgarlínu). Skipulagsstjóra falið að vera í samráði við svæðisskipulagstjóra og Skipulagsstofnum um útfærslu breytingarferlisins þar sem að nú er tillaga að nýju aðalskipulagi í auglýsingar-og staðfestingarferli sem skarast á við breytingarferli svæðisskipulags og aðalskipualags vegna Borgarlínuverkefnisins.

Lögð fram tillaga að verkefnislýsingu aðalskipulagsbreytinga dags 2017. Skipulagsnefnd samþykkir verkefnislýsinguna í samræmi við 1.mgr.30.gr. Skipulagslaga nr.123/2010 hvort sem um er að ræða breytingu á gildandi aðalskipulagi eða á þeirri tillögu að aðalskipulagi Garðabæjar 2016-2030 sem samþykkt hefur verið til auglýsingar.

Skipulagsstjóri gerir grein fyrir tillögum svæðisskipulagsnefndar um breytingar á svæðisskipulagi og breytingar á aðalskipulagi sveitarfélaga á höfuðborgarsvæðinu vegna uppbyggingar fyrirhugaðs hágæða almenningssamgöngukerfis (Borgarlínu). Lögð fram tillaga að verkefnislýsingu á tillögu að breytingu á svæðisskipulagi Höfðuðborgarsvæðisins 2040. Skipulagsnefnd samþykkir framlagða verkefnislýsingu í samræmi við 1.mgr.23.gr.Skipulagslaga nr.123/2010.

Skipulagsnefnd gerir ekki athugasemd við verkefnislýsinguna.

Skipulagsnefnd gerir ekki athugasemd við verkefnislýsinguna en óskar eftir því að tillagan verði kynnt á fundi skipulagsnefndar þegar hún verður í forkynningu.

Landskipualgsstefna2015-2026 lögð fram til kynningar.