Álftaneskaffi - stækkun - Fyrirspurn til skipulags og byggingarfulltrúa

Lögð fram byggingarleyfisumsókn fyrir stækkun á eldhúshluta veitingahússins Álfteneskaffi að lokinni grenndarkynningu í samræmi við 1.mgr.44.gr.Skipulagslaga nr.123/2010. Lagt fram erindi Íslandsbanka þar sem fram kemur að bankinn sem landeigandi í Breiðumýri geri ekki athugasemd við stækkunina. Skipulagsstjóri gerir ekki athugasemd við að byggingarleyfi verði veitt í samræmi við grenndarkynnt gögn.
Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Bæjarstjórn samþykkir tillögu skipulagsnefndar um að umsókn um byggingarleyfi við núverandi hús Álftaneskaffi verði grenndarkynnt samkvæmt 1. mgr. 44. gr. skipulagslaga nr. 123/2010.

Bæjarráð samþykkir að leggja til við bæjarstjórn að samþykkja tillögu skipulagsnefndar um að umsókn um byggingarleyfi við núverandi hús Álftaneskaffi verði grenndarkynnt samkvæmt 1. mgr. 44. gr. skipulagslaga nr. 123/2010.

Lögð fram fyrirspurn um stækkun á Álftaneskaffi um 15 m2 á bakhlið.
Skipulagsnefnd samþykkir að grenndarkynna byggingarleyfisumsókn í samræmi við 1. mgr. 44.gr. skipulagslaga nr. 123/2010 þar sem tillaga er ekki í samræmi við gildandi deiliskipulag eins og veitingastaðurinn. Umsækjanda er kunnugt um að samkvæmt fyrirliggjandi deiliskiplagstillögu þá er kaffihús á þessum stað víkjandi mannvirki. Tryggt sé að viðbygging sé innan lóðar.