4. fundur

Lagðar fram tillögur að deiliskipulagsáætlunum á miðsvæði Álftaness. Tillögurnar eru 5 talsins og skiptast í Breiðumýri, Krók, Helguvík, Skógtörn og Kumlamýri.

Auglýsing tillagnanna fór fram frá 27.desember 2018 til 7.febrúar 2019.

Lagðar fram athugasemdir og umsagnir sem borist hafa.

Skipulagsnefnd leggur til eftirfarandi breytingar á tillögunum og er þeim ætlað að koma til móts við athugasemdir. Umsagnir gefa ekki tilefni til breytinga á tillögum.

-Íbúðum fækki í Breiðumýri um 18 eða sem nemur 2 íbúðum á hvern húskjarna(úr 270 í 252)

-Íbúðum (raðhúsum) fækki í Króki um 3 (Svanamýri 9 og Gásamýri 23 og 25)

(Gildandi deiliskipulag sem staðfest var árið 2007 gerir ráð fyrir allt að 307 íbúðum á landnotkunarreit 1.23 í aðalskipulagi . Eftir breytingu á auglýstri tillögu sem lögð er til þá fækkar íbúðum um 19 og verða þá 264 íbúður innan landnotkunarreitsins.)

- Gásamýri 31, 29 og 27 verði hliðrað til suðurs

-Sett verði ákvæði um að hús í Breiðumýri næst Suðurnesvegi, Norðurnesvegi og Skólatúni verði ekki hærri en 2 hæðir. Þau hús geta hvort heldur verið útfærð sem raðhús eða fjölbýlishúsaíbúðir.

-Sett verði ákvæði um að hús í norðvesturhorni Hestamýrar nr.3 verði ekki hærri en 1 hæð innan þess reits sem deiliskipulagsráðgjafi lagði til á fundinum.

-Sérnotafletir íbúða á jarðhæð verði stækkaðir eins og deiliskipulagsráðgjafi leggur til.

-Skjólveggir á sérnotareitum verði útfærðir eins og deiliskipulagsráðgjafi leggur til.

-Hámarkshæð húsa í Lambamýri lækki um 1m (úr 12m í 11m) og í Grásteinsmýri og Hestamýri um 1,5 m (úr 12 m í 10,5 m).

-Hámarkshæð parhúsa í Kumlamýri lækki um 1,0 m (verði 7,5 m)

(Í auglýstri tillögu varð misræmi á milli uppdráttar og greinargerðar hvað varðar hámarkshæð einbýlishúsa í Helguvík. Rétt er hæð 7,5 eins og hún kom fram í greinargerð)

-Göngustígur í gegnum Kumlamýri færist suður fyrir byggðina.

-Heiti Holtsbrekku verði breytt í Dalsbrekka

-Tenging Dalsbrekku verði í beinu framhaldi af Tjarnarbrekku.

Skipulasstjóri leggur til efirfarandi breytingu á kynntri tillögu í kjölfar skoðunar:

-Byggingarreitir í Breiðumýri breikki úr 10 m í 12,5 m

Lögð fram drög að fornleifaskráningu sem Ragnheiður Traustadóttir er að vinna að. Niðurstöður gefa ekki tilefni til breytinga á deiliskipulagstillögunni. Skipulagsstjóri greinir frá því að bráðabirgðaniðurstaða húsakönnunar sem Gláma-Kím vinnur að gefur ekki tilefni til breytinga á tillögunum.

Skipulagsnefnd telur að með ofangreindum breytingum sé tillögunum ekki breytt í grundvallaratriðum og því ekki ástæða til þess að endurauglýsa tillöguna sbr.4.mgr.41.gr.Skipulagslaga nr.123/2010.

Við gildistöku deiliskipulagsátætlana þessara falla úr gildi þær deiliskipulagsáætlanir sem í gildi eru innan skipulagssvæðanna.

Skipulagsnefnd samþykkir deilskipulagstillögurnar Breiðumýri, Krók, Helguvík, Skógtjörn og Kumlamýri með ofangreindum breytingum í samræmi við 3.mgr.41.gr.Skipulagslaga nr.123/2010.

Sjá bókun við fundarlið 1.

Sjá bókun við fundarlið 1.

Sjá bókun við fundarlið 1.

Sjá bókun við fundarlið 1.

Sjá bókun við fundarlið 1.

Skipulagsnefnd felur skipulagsstjóra að undirbúa gerð lýsingar fyrir aðalskipulagsbreytingu sem drög að deiliskipulagi Norðurness kalla á.

Þráinn Hauksson landlagsarkitekt gerði grein fyrir drögum að deiliskipulagi Norðurness.

Skipulagsnefnd vísar drögum til kynningar og samráðs við landeigendur, Golfklúbb Álftaness og Fugla-og náttúruverndarfélag Álftaness.

Lögð fram fyrirspurn um stækkun á Álftaneskaffi um 15 m2 á bakhlið.

Skipulagsnefnd samþykkir að grenndarkynna byggingarleyfisumsókn í samræmi við 1. mgr. 44.gr. skipulagslaga nr. 123/2010 þar sem tillaga er ekki í samræmi við gildandi deiliskipulag eins og veitingastaðurinn. Umsækjanda er kunnugt um að samkvæmt fyrirliggjandi deiliskiplagstillögu þá er kaffihús á þessum stað víkjandi mannvirki. Tryggt sé að viðbygging sé innan lóðar.

Lögð fram fyrirspurn um viðbyggingu, á ódeiliskipulögðu svæði, sem er samtals 250 m2. Deiliskipulag fyrir telst ekki í gildi þar sem að það var samþykkt áður en fyrsta aðalskipulag Garðabæjar tók gildi.

Vísað til frekar skoðunar hjá tækni-og umhverfissviði.

Lögð fram fyrirspurn um allt að 40 m2 viðbót við smáhýsi sem áður hefur verið samþykkt á baklóð með deiliskipulagsbreytingu.

Skipulagsnefnd hafnar tillögu að stækkun byggingarreits fyrir smáhýsi á baklóð.

Lögð fram umsögn skipulagsráðgjafa dags. 20. mars 2019 að lokinni auglýsingu þar sem athugasemdir bárust.

Tillagan gerir ráð fyrir að ein fjölbýlishúsalóð verði lögð af. Íbúðum í götunni fjölgar alls um 3. Með lækkun byggingareits Keldugötu 14-18 mun útsýni allra íbúða við Holtsveg 23-25 aukast til muna niður að Urriðavatni, til vesturs, en með hækkun Keldugötu 20 um 1,5 metra mun útsýni íbúða á 3-5 hæð skerðast óverulega, aðallega til norðvesturs.

Skipulagsnefnd samþykkir tillögu að deiliskipulagsbreytingu fyrir Urriðaholt vestur, Keldugötu 2-20 óbreytta, í samræmi við 42. gr. skipulagslaga nr. 123/2010 og með vísan í framlagða umsögn.

Lögð fram ný útfærsla á stækkun svala á vesthlið húss.

Vísað til frekari skoðunar hjá tækni-og umhverfissviði.

Lögð fram umsögn deiliskipulagsráðgjafa um tillögu að stækkun byggingarreits vegna viðbyggingar.

Með vísan í framlagða umsögn vísar skipulagsnefnd tillögu um stækkun byggingarreits fyrir viðbyggingu við neðri hæð hússins til grenndarkynniningar sem óverulegri deiliskipulagsbreytingu í sarmræmi við 2.mgr.43.gr. skipulagslaga nr. 123/2010. Grenndarkynna skal eigendum Haukaness 13, 14, 16,17 og 18 pg Þrastaness 16 og 18.

Lögð fram umsókn lóðarhafa um stækkun byggingareits fyrir viðbyggingu við neðri hæð hússins þar sem gert verður ráð fyrir bílageymslu.

Lögð fram umsögn deiliskipulagsráðgjafa sem mælir ekki með því að byggingarreitur verði stækkaður eins og tilllagan gerir ráð fyrir.

Umsögn vísað til skoðunar hjá tækni-og umhverfissviði. Umsækjanda skal gefinn kostur á að tjá sig um niðurstöðu umsagnar.

Lagt fram. Vísað til skipulagsstjóra og aðalskipulagsráðgjafa að veita umsögn um lýsinguna.