Hrauntunga

Bæjarstjóri kynnti drög að svarbréfi við bréfi lögmanna frá 28. mars sl. Bæjarstjóra falið að svara bréfinu.

Fylgiskjöl

• Vegna Hrauntungu

Lögð fram.

Lagt fram erindi Árna Helgasonar lögmanns fyrir hönd lóðarhafa Hrauntungu í Garðahraunshverfi dags.28.mars 2019. Innihald erindisins rætt. Vísað til bæjarráðs.

Bæjarráð vísar bréfinu til skipulagsnefndar.

Bæjarráð felur bæjarstjóra að svara bréfritara og árétta kvöð sem fram kemur í 2. gr. lóðarleigusamnings um að landið er leigt leigutaka til byggingar íbúðarhúss og til skógræktar. Í ákvæðinu kemur einnig fram að leigutaka er óheimilt að leyfa öðrum einstaklingum, stofnunum eða félögum að reisa byggingar á landinu eða gera önnur mannvirki á því. Þá er mælt fyrir um í 4. gr. lóðarleigusamnings að leigutaka sé óheimilt að framselja, framleigja eða láta af hendi á annan hátt til einstaklinga, stofnana eða félaga hluta af landinu án samþykkis leigusala. Það hefur því ávallt legið skýrt fyrir að samkvæmt gildandi skipulagi er áhersla á að skilgreina svæðið sem skógræktar- og náttúrulegt hraunsvæði, sbr. 5. gr. lóðarleigusamnings.

Fylgiskjöl

• Vegna Hrauntungu