Hólmatún 56 - Fyrirspurn til skipulags og byggingarfulltrúa

Lögð fram fyrirspurn lóðarhafa um útfærslu girðinga á lóðarmörkun. Tækni- og uhverfissvið hefur mælst til þess að skjólgirðingar taki mið af reglum um girðingar á Álftanesi eins og deiliskipulag kveður á um.
Í grein 2.6. í þeim reglum segir að byggingarfulltrúa sé heimilt að leyfa hærri skjólgirðingar ef þörf krefur til skjólmyndunar. Málinu vísað til byggingarfulltrúa sem kalla skal eftir sjónarmiðum nágranna.
Tækni- og umhverfissviði falið að móta tillögu að viðmiðunarreglum fyrir girðingar og skjólveggi í Garðabæ.

Lagður fram tölvupóstur frá eigendum Hólmatúns 56 sem lýsa sig ósátta við þau skilaboð frá skipulagsstjóra að þeim beri að reisa girðingar samkvæmt deiliskipulagi og reglum um girðingar á Álftanesi.
Eigendur tína til ýmis dæmi um skjólveggi og girðingar á Álftanesi þar sem hafa verið reistar og eru ekki í samræmi við skipulag.
Vísað til umræðu í skipulagsnefnd.

Lögð fram fyrirspurn um hæð skjólveggja (girðinga) að landi sveitarfélagsins sem liggur að lóðinni á þrjá vegu. Að götu, göngustíg og opnu svæði. Hæð er frá 70 cm að 180 cm. Í grein 2.4. í reglum um girðingu lóða á Álftanesi segir að girðing lóða að opnum svæðum sveitarfélagsins séu heimilaðar allt að 1,5 metra háar. Í deiliskipulagsskilmálum Hólmatúns er vísað í ofangreindar reglur.
Með vísan í ofangreindar reglur og deiliskipulag Hólmatúns gerir skipulagsstjóri ekki athugasemd við girðingu sem er 1,5 metra há og liggur að landi sveitarfélagsins.