11. fundur

Skipulagsráðgjafar Jóhanna Helgadóttir hjá Eflu, Sigurður Einarsson hjá Batteríinu og Þráinn Hauksson hjá Landslagi kynntu hugmyndir að viðbrögðum við innsendum athugasemdum og umsögnum. Vísað til frekari úrvinnslu.

Skipulagsráðgjafar og skipulagsstjóri kynntu hugmyndir að viðbrögðum við innsendum athugasemdum og umsögnum. Vísað til frekari úrvinnslu.

Lagðar fram tillögur að götuheitum í Hnoðraholti.

Skipulagsnefnd samþykkir framlagðar tillögur skipulagsstjóra að götuheitum.

Skipulagsráðgjafar og skipulagsstjóri kynntu hugmyndir að viðbrögðum við innsendum athugasemdum og umsögnum. Vísað til frekari úrvinnslu.

Skipulagsráðgjafar og skipulagsstjóri kynntu hugmyndir að viðbrögðum við innsendum athugasemdum og umsögnum. Vísað til frekari úrvinnslu. Lögð fram tillaga að götuheitum.

Skipulagsnefnd samþykkir framlagðar tillögur skipulagsstjóra að götuheitum.

Lögð fram tillaga að breytingu Aðalskipulags Garðabæjar 2016-2030 sem nær til landnotkunarreitsins 5.04.Vþ í norðanverðu Urriðaholti að lokinni forkynningu í samræmi við 2. mgr. 30.gr. skipulagslaga nr. 123/2010. Umsagnir og ábendingar sem borist hafa lagðar fram.

Tillagan hefur verið uppfærð eftir forkynningu en er að efni til óbreytt.

Skipulagsnefnd samþykkir að auglýsa tillöguna í samræmi við 31. grein Skipulagslaga að undangenginni athugun Skipulagsstofnunar.

Lögð fram tillaga að deiliskipulagi Urriðaholts Norðurhluta 4 að lokinni forkynningu ásamt umsögnum og ábendingum sem borist hafa. Tillagan er lögð fram óbreytt efnislega en uppfærð hvað ferlið varðar.

Þegar að deiliskipulagstillagan verður staðfest fellur úr gildi deiliskipulag Urriðaholts viðskiptastrætis. Breytingar á deiliskipulagi Urriðaholts Norðurhluta 3 og Austurhluta þar sem afmörkun svæðanna var breytt til aðlögunar að deiliskipulags Urriðaholts Norðurhluta 4 hafa tekið gildi með birtingu auglýsingar í B-deild stjórnartíðinda nr. 475/2020.

Skipulagsnefnd samþykkir auglýsingu tillgönnar í samræmi við 41. gr. skipulagslaga nr. 123/2010. Skal hún kynnt samhliða tillögu að breytingu aðalskipulags.

Lögð fram tillaga að lýsingu fyrir breytingu á Aðalskipulagi Garðabæjar 2016-2030 sem gerir ráð fyrir því að reitur fyrir samfélagsþjónustu 2.06 S sameinist reit fyrir íbúðarbyggð 2.04 Íb. Tillagan verði auglýst samhliða tillögu að breytingu deiliskipulags Hraunsholts vestra (Ásahverfis) sem gerir ráð fyrir að leikskólalóð breytist í lóð fyrir búsetukjarna fyrir fatlaða einstaklinga. Skipulagsnefnd samþykkir lýsinguna í samræmi við 1. mgr. 30.gr. skipulagslaga nr. 123/2010.

Lögð fram tillaga að breytingu deiliskipulags Hraunsholts vestra sem gerir ráð fyrir því að leikskólalóð við Brekkuás breytist í lóð fyrir búsetukjarna. Skipulagsstjóri gerir grein fyrir samráð við fjölskyldusvið um búsetuúrræði fyrir fatlað fólk.

Skipulagsnefnd óskar eftir því að tillögunni verði breytt þannig svigrúm til útfærslu byggingarinnar verði aukið m.a. með tilliti til þess að ákvörðun um aðkomu að íbúðum verði mótuð við hönnun hússins. Breytingartillagan mun nú hljóta kynningu samhliða tillögu að breytingu aðalskipulags.

Lögð fram sameiginleg lýsing á breytingu á Aðalskipulagi Garðabæjar 2016-2030 og á breytingu á deiliskipulagi Garðahverfis sem gerir ráð fyrir breytingum á Garðaholti. Opið svæði 1.89 Op og Íbúðarsvæði 1.76 Íb breyta um lögun til samræmis við tillögur að breytingum deiliskipulags Garðahverfis. Tákn fyrir landnýtingu 1.81 M, 1.77 S og 1.80 S verða lagfærð en þau voru ranglega framsett á aðaluppdrætti aðalskipulagsins

Meirhluti skipulagsnefndar samþykkir lýsinguna í samræmi við 1. mgr. 30. gr. skipulagslaga. Baldur Ó.Svavarsson hafnar framlagðri lýsingu og leggur fram eftirfarandi bókun:

"Undirritaður fulltrúi minnihlutans hefur marg varað við vanreifuðu einkavæddu deilsikpulagi Garðahverfis Enn eru kynntar breytingar á þessu skipulagi - nú í 10 liðum !.

Hættan á skipulagslausri uppbygginu þessa svæðis er því sannlega fyrir hendi skv. þessum gögnum, líkt og varað hefur verið við. Þarna er að verða til enn eitt bútasaumað skipulagið svo vitnað sé í þekkt orðfæri.

Enn skal minnt á að hér er fórnað einhverju glæsilegasta byggingasvæði á öllu höfuðborgarsvæðinu, í gæluverkefni, greitt af einkaaðila í bænum. Undirrituðum skilst þó að þessar kynntu breytingarnar séu kostaðar af bæjarsjóði í þetta sinn.

Fulltrúi G-lista Garðbæjarlistans í skipulagsnefnd."

Lögð fram sameiginleg lýsing á breytingu á deiliskipulagi Garðahverfis og Aðalskipulagi Garðabæjar 2016-3030 og sem gerir ráð fyrir breytingum á Garðaholti. Opið svæði 1.89 Op og Íbúðarsvæði 1.76 Íb breyta um lögun til samræmis við tillögur að breytingum deiliskipulags Garðahverfis. Tákn fyrir landnýtingu 1.81 M, 1.77 S og 1.80 S verða lagfærð en þau voru ranglega framsett á aðaluppdrætti aðalskipulagsins

Meirhluti skipulagsnefndar samþykkir lýsinguna í samræmi við 1. mgr. 40. gr. skipulagslaga. Baldur Ó.Svavarsson hafnar framlagðri lýsingu og vísar til bókunar við fundarlið hér á undan.

Lögð fram umsókn tækni- og umhverfissviðs Garðabæjar um framkvæmdleyfi vegna endurnýjunar aðkomuvegar og lagningu bílastæða að Hliði. Framkvæmdalýsing er í samræmi við deiliskipulag Hliðs og friðlýsingu fólkvangsins að Hliði.

Með vísan í 13. gr. skipulagslaga samþykkir skipulagsnefnd veitingu framkvæmdaleyfis í samræmi við framlögð gögn en með fyrirvara um samþykki Umhverfisstofnunar.

Lögð fram fyrirspurn lóðarhafa um útfærslu girðinga á lóðarmörkun. Tækni- og uhverfissvið hefur mælst til þess að skjólgirðingar taki mið af reglum um girðingar á Álftanesi eins og deiliskipulag kveður á um.

Í grein 2.6. í þeim reglum segir að byggingarfulltrúa sé heimilt að leyfa hærri skjólgirðingar ef þörf krefur til skjólmyndunar. Málinu vísað til byggingarfulltrúa sem kalla skal eftir sjónarmiðum nágranna.

Tækni- og umhverfissviði falið að móta tillögu að viðmiðunarreglum fyrir girðingar og skjólveggi í Garðabæ.

Lögð fram fyrirspurn lóðarhafa um hæð á skjólvegg á lóðarmörkum.

Vísað er til þess að í nágrenninu rísi fjölbýlishús.

Svar: Við mótun deiliskipulags í Breiðumýri var sérstaklega tekið tillit til athugasemdar um hæð fjölbýlishúss á þessum stað. Sett voru ákvæði um að á byggingarreit næst Suðurtúni yrði aðeins 1 hæð heimiluð.

Skipulagsnefnd sér ekki ástæðu til þess að á þessum stað sé vikið frá því ákvæði í reglum um girðingu lóða á Álftanesi að hæð girðinga á lóðarmörkum að opnu svæði sé hærri en 1,5 m.

Tækni- og umhverfissviði falið að móta tillögu að viðmiðunarreglum fyrir girðingar og skjólveggi í Garðabæ.

Lögð fram umsókn um byggingarleyfi fyrir girðingum á lóðarmörkum. Samkomulag hefur náðst á milli lóðarhafa á Asparlundi 2 og Asparlundi 4 og hæð girðingar.

Skipulagsnefnd telur að hæð og útfærsla girðingar á lóðarmörkum að götu þurfi að skoða betur.

Vísað til frekari skoðunar.

Tækni- og umhverfissviði falið að móta tillögu að viðmiðunarreglum fyrir girðingar og skjólveggi í Garðabæ.

Lögð fram fyrirspurn um útfærslu á bílastæði sem gerir ráð fyrir bílalyftu.

Vísað til frekari skoðunar hjá tækni- og umhverfissviði.

Lögð fram tillaga að deiliskipulagsbreytingu sem nær til lóðarinnar Víkurgata 23 sem gerir ráð fyrir því að pappi verði heimilaður sem ysta byggingarefni á þaki.

Lögð fram umsögn deiliskipulagshöfundar.

Skipulagsnefnd telur að þakpappi getur vel verið í samræmi við markmið deiliskipulagsins um gott yfirbragð byggingar ef vandað er til útfærslunnar og að litur sé í gráskala. Skipulagsnefnd gerir ekki athugasemd við að við veitingu byggingarleyfis fyrir Víkurgötu 23 verði vikið frá kröfum 2. mgr. 43. gr. skipulagslaga nr. 123/2010 sbr. 3. mgr.sömu greinar hvað þakpappa sem ysta byggingarefni varðar.

Lögð fram fyrirspurn ásamt umsögn deiliskipulagshöfundar um það hvort heimilað verði að fjölga um eina íbúð í fjölbýlishúsinu með því að skipta tveggja hæða íbúð upp.

Með vísan í umsögn telur skipulagsnefnd það koma til greina að fjölga íbúðum um eina en sækja verður um deiliskipulagsbreytingu með samþykki annarra eigenda hússins. Sýna þarf fram á að viðbótarbílastæði megi koma fyrir á lóðinni.

Lögð fram tillaga að deiliskipulagsbreytingu að lokinni auglýsingu. Gert er ráð fyrir því að íbúðum í fjölbýlishúsinu Urriðaholtstræti 42 fjölgi úr 9 í 10 og fjölgar bílastæðum sem því nemur.Engar athugasemdir bárust. Tillagan því samþykkt í samræmi við 3. mgr. 41. gr. skipulagslaga nr. 123/2010.

Lögð fram tillaga að deiliskipulagsbreytingu sem gerir ráð fyrir að lóðirnar Keldugata 2 og Keldugata 4 sameinist í eina lóð með einum byggingarreit sem verður eins og nú er að Keldugötu 2. Heildarfjöldi íbúða yrði sá sami eða 9 íbúðir en nú í einu húsi.

Vísað til umsagnar hjá skipulagshöfundi og Urriðaholti ehf.

Lögð fram umsókn um framkvæmdaleyfi fyrir gerð útivistarstígs frá Vífilsstaðavatni í Grunnavatnsskarð.

Óveruleg breyting deiliskipulags hefur tekið gildi og er umsókn í samræmi við hana. Þar sem umsókn gerir ráð fyrir því að stígurinn verði aðeins lagður upp í Grunnavatnsskarð þá leggur skipulagsnefnd til að stígurinn varði lagður þvert á reiðstíg og nokkuð lengra til suðurs. Mót reiðstígs og útivistarstígs verði útfærð þannig að öryggis sé gætt og að merkingar séu skýrar.

Með vísan í 13. grein skipulagslaga og framlögð gögn samþykkir skipulagsnefnd framkvæmdaleyfið með fyrirvara um samþykki Umhverfisstofnunar.

Lögð fram umsókn Urriðaholts ehf og Styrktar- og líknarsjóðs Oddfellowa um framkvæmdaleyfi fyrir losun 49.500 m3 jarðefnis úr Urriðaholti á svæði í norðvesturhorni golfvallarsvæðis.

Með vísan í 13. grein skipulagslaga og framlögð gögn veitir skipulagsnefnd framkvæmdaleyfi.

Skipulagsnefnd gerir ekki athugasemdir við breytingartillöguna.

Skipulagsnefnd gerir ekki athugasemdir við breytingartillöguna.

Skipulagsnefnd gerir ekki athugasemdir við breytingartillöguna.

Skipulagsnefnd gerir ekki athugasemdir við breytingartillöguna.

Skipulagsnefnd gerir ekki athugasemdir við skógræktaráætlunina enda er þess gætt að tillit er tekið til vatnsverndarsjónarmiða.

Fundargerð lögð fram. Skipulagsnefnd gerir ekki athugasemdir.