Afgreiðsla skipulagsnefndar varðandi umsögn um byggingarleyfi að Hraunhólum 5.

Lögð fram afgreiðsla skipulagsnefndar þar sem fram kemur að nefndin telur að umsókn um byggingarleyfi vegna útfærslu lóðar og staðsetningar stoðveggja á lóðinni við Hraunhóla 5 falli innan skilmála deiliskipulags.

Lögð fram tillaga lóðarhafa Hraunhóla 5 að útfærslu lóðar.
Skipulagsnefnd gerir ekki athugasemd við tillöguna eins og hún er útfærð á framlögðum teikningum enda eru stoðveggir í meira en 2 m frá lóðarmörkum eins og deiliskipulag gerir ráð fyrir.

Lögð fram umsókn um byggingarleyfi fyrir breytingum á útfærslu lóðar sem er önnur en samþykktar byggingarleyfisteikningar gera ráð fyrir. Veggur hefur þegar verið byggður og er því um reyndarteikningar að ræða sem lagðar eru fram.
Skipulagsnefnd telur að samanlögð hæð stoðveggjar og skjólveggjar sé ekki í samræmi við ásýnd byggðar við Hraunhóla og Lynghóla en heildarhæð veggjar er um 4 metrar.
Málinu vísað til frekari skoðunar hjá tækni- og umhverfissviði.

Lagðir fram aðaluppdrættir þar sem útfærslu lóðar hefur verið breytt frá samþykktu byggingarleyfi.
Felldur hefur verið út stoðveggur og skjólveggur staðsettur ofan á hann sem gerir það að verkum að heildar hæð veggjar verður næstum 4 metrar.
Skipulagsstjóri bendir á að útfærslan þurfi að eiga sér stoð í deiliskipulagi.
Vísað til skipulagsnefndar.

Lögð fram umsókn um byggingarleyfi þar sem sýndur er lóðarfrágangur sem er ekki í samræmi við samþykkt byggingarleyfi. Norðurhluti lóðar er ekki stallaður eins og samþykkt var og er því ásýnd lóðarinnar að Lynghólum öðru vísi en til stóð.
Skipulagsstjóri óskar eftir rökstuddri skýringu á því af hverju lóðin hefur verið útfærð með öðrum hætti en byggingarleyfi var veitt fyrir.