6. fundur

Lögð fram tillaga að breytingu Aðalskipulags Garðabæjar 2016-2030 sem nær til Garðahverfis og Garðaholts að lokinni forkynningu 2.mgr.30.gr.skipulagslaga nr.123/2010.

Engar ábendingar bárust á forkynningartíma sem kalla á breytingu tillögunnar.

Meiihluti skipulagsnefndar vísar tillögunni til auglýsingar í samræmi við 31.gr.sömu laga að undangenginni athugun Skipulagsstofnunar. Baldur Ó Svavarsson greiðir atkvæði gegn tillögunni.

Lögð fram tillaga að breytingu deiliskipulags Garðahverfis að lokinni grenndarkynningu í samræmi við 3. mgr. 40. gr. skipulagslaga nr. 123/2010. Ábendingar sem borist hafa á grenndarkynningartíma lagðar fram. Ábendingum vísað til úrvinnslu deiliskipulagsráðgjafa

og tækni- og umhverfissviðs.

Baldur Ó. Svavarsson greiðir atkvæði á móti afgreiðslu meirihlutans og tekur undir innsendar athugasemdir.

Baldur Ó Svavarsson leggur fram eftirfarandi bókun:

"Minni enn á fyrri bókanir, viðvaranir og ábendingar varðandi svokallað uppbyggingu og „verndun byggðamynsturs 20. aldar í Garðahverfi“ - Þær sem telja orðið á annantuginn og ná mörg ár aftur í tímann.Framkomnar athugasemdir íbúa á svæðinu við byggingaskilmálum í skipulaginu sbr. fundargögn, eru nákvæmlega þær sem undirritaður hefur varað við og staðhæft að kæmu fram. Jafnframt staðhæfðir undirritaður að meirihlutinn myndi gefa eftir og víkja frá þessum skilmálum. Byggingaskilmálar nýbygginga eru með ólíkindum og í engum takti við þessa öld né þá síðustu.Ekki þarf að fjölyrða frekar um meðferðina á þessu hverfi og glötuðum möguleikum þess. Fulltrúi G-lista Garðbæjarlistans í skipulagsnefnd."

Sigurður Guðmundsson formaður skipulagsnefndar leggur fram eftirfarandi bókun fyrir hönd meirihluta :

"Garðahverfið var deiliskipulagt árið 2013 í heild sinni og er þar um að ræða 79 hektara af u.þ.b. 420 hekturum Garðaholts. Samkvæmt Aðalskipulagi Garðabæjar 2016-2030 hefur Garðahverfið minjaverndarsjónarmið að leiðarljósi og er skilgreint sem landbúnaðarsvæði.

Áhersla er á menningar og náttúruminjar og að gera svæðið aðgengilegt til útivistar og náttúruskoðunar. Garðahverfið nýtur auk þess verndar frá árinu 2017 samkvæmt lögum um verndarsvæði í byggð."

Lögð fram tillaga að deiliskipulagi íbúðarbyggðar við Víðiholt milli Asparholts og hesthúsabyggðar Sóta.

Skipulagsnefnd vísar tillögunni til forkynningar í samræmi við 4.mgr.40.gr.skipulagslaga nr.123/2010. Halda skal almennan kynningarfund á forkynningartíma og leita skal umsagnar umsagnaraðila sem og Ungmennafélags Álftaness og Hestamannafélagsins Sóta.

Lögð fram tillaga að deiliskipulagi hesthúsabyggðar á félagssvæði Sóta. Skipulagsnefnd vísar tillögunni til forkynningar í samræmi við 4.mgr.40.gr.skipulagslaga nr.123/2010. Halda skal almennan kynningarfund á forkynningartíma og leita skal umsagnar umsagnaraðila sem og Ungmennafélags Álftaness og Hestamannafélagsins Sóta.

Formaður skipulagsnefndar leggur fram tillögu um að tækni-og umhverfissviði verði falið að hefja vinnu við mótun tillögu að deiliskiplagi Fólkvangs í Vífilsstaðahrauni og Maríuhellum. Deiliskipulagssvæðið verði um 70 ha og afmarkast það af Reykjanesbraut í vestri, Vífilsstaðalæk í norðri, Heiðmörk í austri og Urriðaholti í suðri.

Skipulagsnefnd tekur undir tillögu formanns og vísar henni til tækni-og umhverfissviðs.

Lögð fram fyrirspurn um það hvort heimilað verði að stækka byggingarreit til austurs sem gerir ráð fyrir viðbyggingu við gafl hússins.

Tillögu vísað til skoðunar hjá tækni-og umhverfissviði.

Lögð fram tillaga að óverulegri breytingu deiliskipulags að lokinni grenndarkynningu og skoðun hjá tækni-og umhverfissviði ásamt innsendum athugasemdum. Lögð fram greinargerð umsækjanda vegna innsendra athugasemda.

Vísað til frekari skoðunar hjá tækni-og umhverfissviði.

Skipulagsnefnd leggur til að mótuð verði tillaga að breytingu deiliskipulags Silfurtúns sem gerir ráð fyrir að nýtingarhlutfall húsa á einni hæð hækki úr 0,3 í 0,35 og ef landslag gefur tilefni til kjallara undir húsi eða bílageymslu geti nýtingarhlutfall orðið 0,45. Byggður flötur á lóð yrði ekki meiri en 35%. Er þetta til samræmis við deiliskipulagsáætlanir annarra einbýlishúsahverfa í innbæ Garðabæjar.

Lögð fram fyrirspurn um það hvort heimilað verði auka bílastæði í norðausturhorni lóðar auk þeirra sem eru framan við bílageymslu.

Fjögur dæmi þess eru í götunni að fleiri en 3 bílastæði hafa verið gerð og sum þeirra ekki fyrir framan bílageymslur. Engin þeirra hefur hlotið skipulagsferli en ljóst er að breytingar sem þessar kalla á deiliskipulagsbreytingu.

Lögð fram fyrirspurn lóðarhafa um staðsetningu smáhýsis við lóðarmörk að bæjarlandi.

Skipulagsnefnd samþykkir fyrir hönd Garðabæjar sem landeiganda staðsetningu smáhýsis eins og teikning sýnir og er í samræmi við ákvæði byggingarreglugerðar um stærð og hæð smáhýsa sem undanþegin eru byggingarleyfi.

Skipulagsstjóri víkur af fundi undir þessum lið.

Lögð fram tillaga að óverulegri breytingu deiliskipulags að lokinni grenndarkynningu ásamt athugasemdum sem borist hafa.

Skipulagsnefnd tekur undir athugasemdir um að tillagan samræmist ekki vel vistvænum áherslum deiliskipulags Urriðaholts né áherslum Aðalskipulags Garðabæjar 2016-2030 um breidd innkeyrsla inn á bílastæði.

Í ljósi þess og andstöðu íbúa í götunni er tillögunni hafnað.

Lögð fram tillaga að breytingu á deiliskipulagi Urriðaholts austurhluta sem gerir ráð fyrir því að fjölgað verði um fjórar íbúðir stærri en 90 m2 og fjórar íbúðir minni en 90 m2. Bílastæðum á lóð fjölgar til samræmis við fjölgun íbúða.

Skipulagsnefnd vísar breytingartillögunni til auglýsingar í samræmi við 1. mgr. 43. gr. 41.gr. skipulagslaga nr. 123/2010.

Lögð fram tillaga að breytingu á deiliskipulagi Urriðaholts austurhluta sem gerir ráð fyrir því fjölgi um eina íbúð á lóðinni (jarðhæð) og að byggingarreitur bílakjallar breytist.

Lögð fram umsögn deiliskipulagshöfundar.

Skipulagsnefnd vísar breytingartillögunni til auglýsingar í samræmi við 1. mgr. 43. gr. 41.gr. skipulagslaga nr. 123/2010.

Lögð fram umsókn tækni-og umhverfissviðs Garðabæjar fyrir framkvæmdaleyfi til gatnagerðar í Vetrarmýri sem byggir á nýstaðfestu deiliskipulagi.

Í samræmi við 13.gr.skipulagslaga samþykkir skipulagsnefnd framkvæmdaleyfi til gatnagerðar í Vetrarmýri.

Lögð fram umsókn tækni-og umhverfissviðs Garðabæjar fyrir framkvæmdaleyfi til lagningar 11 kV háspennujarðstrengs meðfram Flóttamannavegi frá bæjarmörkum við Kaldárselsveg að Urriðaholti til þess að auka afhendingaröryggi rafmagns í Garðabæ.

Í samræmi við 13.gr.skipulagslaga samþykkir skipulagsnefnd framkvæmdaleyfi fyrir lagningu jarðstrengsins.

Lögð fram umsókn tækni-og umhverfissviðs Garðabæjar um framkvæmdaleyfi fyrir efnislosun í Glerhallardýi á fyrirhuguðu golfvallarsvæði við vestan- og norðanverða Bessastaðatjörn eins og aðalskipulag og tillaga að deiliskipulagi gerir ráð fyrir. Efnið sem losað verður mun síðar verða nýtt til landslagsmótunar golfvallarins. Efnið sem losað verður á staðnum verður ómengaður jarðvegur úr uppbyggingarsvæðum á Álftanesi.

Skipulagsnefnd samþykkir framkvæmdaleyfið í samræmi við 13.gr.skipulagslaga nr.123/2010.

Lagt fram.

Skipulagsnefnd samþykkir framlagða umsögn tækni-og umhverfissviðs Garðabæjar sem umsögn Garðabæjar við tillögu að Aðalskipulagi Kópavogs 2019-2040.